مەملەكەتتىك كىرىستەر كوميتەتى جالعان حابارلامالار جونىندە ەسكەرتتى

алаяқ
Фото: Kazinform

الماتى. KAZINFORM - الماتى قالاسى بويىنشا مەملەكەتتىك كىرىستەر كوميتەتى الەۋمەتتىك جەلىدە سالىقتاردى تولەۋ تۋرالى تاراعان جالعان حابارلاماعا سەنبەۋگە شاقىردى.

الماتى قالاسى بويىنشا مەملەكەتتىك كىرىستەر دەپارتامەنتىنىڭ مالىمەتىنە سايكەس، ادامداردىڭ ەلەكتروندى پوشتالارىنا سالىق، ايىپپۇل تولەۋ تۋرالى جالعان تالاپتار تاراتىلعان. دەپارتامەنت سالىققا بايلانىستى حابارلامالار ەلەكتروندى پوشتاعا جىبەرىلمەيتىنىن حابارلاپ، جالعان اقپاراتقا سەنبەۋگە شاقىردى.

«الماتى قالاسى بويىنشا مەملەكەتتىك كىرىستەر دەپارتامەنتىنە سالىقتاردى، الىمداردى، ءوسىمپۇلدار مەن ايىپپۇلداردى تولەۋ تۋرالى جالعان تالاپتاردىڭ تاراتىلىپ جاتقانىنا سالىق تولەۋشىلەر شاعىمداندى. بۇل حابارلامالار سالىق تولەۋشىلەردىڭ ەلەكتروندىق مەكەنجايلارىنا جىبەرىلگەن. دەپارتامەنت سالىقتىق حابارلامالار سالىق تولەۋشىلەرگە جەكە قول قويۋ ارقىلى بەرىلەتىنىن نەمەسە سالىق تولەۋشىنىڭ كابينەتىنە ەلەكتروندى تۇردە جەتكىزىلەتىنىن حابارلايدى. مۇنداي حابارلاندىرۋلاردى ەلەكتروندىق پوشتا ارقىلى جىبەرۋ قاراستىرىلماعان. تيىسىنشە، دەپارتامەنتتىڭ سالىق تولەۋشىلەردىڭ ەلەكتروندى مەكەنجايلارىنا جىبەرىلگەن مۇنداي حابارلامالارعا ەش قاتىسى جوق»، - دەپ مالىمدەيدى مەملەكەتتىك كىرىستەر دەپارتامەنتىنەن.

تۇرعىندار سالىق مىندەتتەمەلەرىنىڭ بار-جوعى تۋرالى اقپاراتتى سالىق تولەۋشىنىڭ سايتىنداعى جەكە كابينەتىنەن قاراي الادى.

سوڭعى جاڭالىقتار