مەملەكەتتىك «دارىن» جاستار سىيلىعىنا بايقاۋ جاريالاندى
مادەنيەت جانە اقپارات مينيسترلىگى «دارىن» مەملەكەتتىك جاستار سىيلىعىنا بايقاۋ جاريالادى.
«دارىن» مەملەكەتتىك جاستار سىيلىعى - عىلىم، شىعارماشىلىق، قوعامدىق قىزمەت سالالارىندا جەمىستى ەڭبەگىمەن كوزگە تۇسكەن، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەت تاراپىنان قولداۋ ماقساتىندا ۇسىنىلادى.
بايقاۋ 10 نوميناتسيا بويىنشا وتەدى:
- «ادەبيەت»،
- «عىلىم»،
- «ديزاين جانە بەينەلەۋ ونەرى»،
- «جۋرناليستيكا»،
- «كلاسسيكالىق مۋزىكا»،
- «كرەاتيۆتى باستامالار»،
- «سپورت»،
- «تەاتر جانە كينو»،
- «ەسترادا»،
- «حالىق شىعارماشىلىعى».
سىيلىق الۋعا ۇمىتكەر بولا الاتىندار: حالىقارالىق جانە رەسپۋبليكالىق كونكۋرستاردىڭ، فەستيۆالدار مەن ءتۇرلى شارالاردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى، سونداي-اق قىزمەتى يننوۆاتسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن ق ر 35 جاسقا دەيىنگى ازاماتتار.
«دارىن» جاستار سىيلىعىن الۋعا كانديداتۋرالاردى ۇسىنۋدى مەملەكەتتىك ورگاندار، قوعامدىق بىرلەستىكتەردىڭ وكىلدەرى جۇرگىزەدى.
جەڭىمپازدارعا «دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن، توسبەلگىلەرمەن، سونداي-اق قارجىلاي سىيلىقپەن ماراپاتتالادى.
سىيلىقتى ۇسىنۋ جىل سايىن قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋ اياسىندا وتكىزىلەدى.
1992-جىلى تاعايىندالعان «دارىن» جاستار سىيلىعىن ءار جىلدارى ءتۇرلى سالاداعى 320 دان استام ازامات يەلەنگەن بولاتىن.
كونكۋرسقا قاتىسۋعا قۇجاتتار 20- قاراشاعا دەيىن قازاقستان رەسپۋبليكاسى مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتى (قاعاز نۇسقادا) مىنا مەكەنجاي بويىنشا: استانا قالاسى، ماڭگىلىك ەل داڭعىلى 10، «مينيسترلىكتەر ءۇيى» عيماراتىندا (14-كىرەبەرىس) قابىلدانادى.
ال ەلەكتروندىق نۇسقانى premiya.daryn@gmail.com پوشتاسىنا جولداۋعا بولادى.
بايلانىس نومەرلەرى: 87172740525، 87172741843، 87011704654.
