مەملەكەت مەنشىگىنە قۇنى 63 ميلليارد تەڭگە بولاتىن كومپانيا قايتارىلدى

قارجىلىق مونيتورينگ اگەنتتىگى «قازاقستاننىڭ ينۆەستيتسيالىق قورى» ا ق زاڭسىز جەكەشەلەندىرۋ فاكتىسى بويىنشا تەرگەۋدى جالعاستىرىپ جاتىر، دەپ حابارلايدى Kazinform.

تەرگەۋ بارىسىندا «بايتەرەك» «ۇ ب ح» ا ق مەنشىگىنە قۇنى 63,3 ميلليارد تەڭگە بولاتىن ق ي ق- نىڭ %100 اكسياسى قايتارىلدى.

ايتا كەتەيىك، سوتقا دەيىنگى تەرگەۋ باستالعان كەزدە قوردىڭ قازاقستاننىڭ دامۋ بانكى الدىندا 18,7 ميلليارد تەڭگە كولەمىندە بورىشى بولعان.

اگەنتتىك قولما-قول اقشامەن وتەۋ ارقىلى بەرەشەكتى ءۇش ەسە تومەندەتتى.

سونىمەن قاتار، 12 ەنشىلەس كومپانيا قوردىڭ باقىلاۋىنا قايتارىلدى.

بۇل - مەتالل كونسترۋكسيالارىن، جول جانە قۇرىلىس بيتۋمىن شىعارۋ، شينالاردى جانە ءىرى قارا مالدىڭ تەرىسىن قايتا وڭدەۋ، قاعاز-كارتون ونىمدەرى، جەلىمدەلگەن اعاش كونسترۋكسيالار، باعىتتامالى بۇرما شىعارۋ زاۋىتتارى جانە پوليگرافيا.

ق ي ق بالانسىنا الماتى قالاسىنداعى بيزنەس-ورتالىقتىڭ عيماراتى جانە الماتى وبلىسىنداعى قۇنى 1,6 ميلليارد تەڭگەدەن اساتىن جەر ۋچاسكەلەرى قايتارىلدى.

سونداي-اق، «Dosjan Temir Joly» ا ق جىلىنا نەبارى 100 ميلليون تەڭگەگە 10 جىل مەرزىمگە سەنىمگەرلىك باسقارۋعا بەرۋ تۋرالى شارت جويىلدى.

كاسىپورىننىڭ 2022-جىلدىڭ قورىتىندىسى بويىنشا تازا پايداسى 1,3 ميلليارد تەڭگەنى قۇراعانىمەن، باستاپقى باعالاۋ كەزىندە بۇل ەسكەرىلمەگەن.

اكتيۆتەردى مەملەكەت پايداسىنا قايتارۋ جونىندەگى جۇمىس جالعاسادى.