22:50, 26 - ءساۋىر 2025 | GMT +5
مەملەكەت باسشىسى يران پرەزيدەنتىنە كوڭىل ايتۋ جەدەلحاتىن جولدادى
استانا. KAZINFORM - قاسىم-جومارت توقايەۆ بەندەر-ابباس قالاسىنىڭ «شاحيد رادجاي» تەڭىز پورتىندا بولعان جارىلىستان ادامداردىڭ قازا تابۋىنا جانە كوپتەگەن ازاماتتىڭ جاراقات الۋىنا بايلانىستى يران پرەزيدەنتى ماسۋد پەزەشكيان مەن ونىڭ وتانداستارىنا كوڭىل ايتتى.
بۇل تۋرالى اقوردانىڭ باسپا ءسوز قىزمەتى حابارلادى.
قازاقستان پرەزيدەنتى جاراقات العان جانداردىڭ ساۋىعىپ كەتۋىنە، سونداي-اق اپات سالدارىن تەزىرەك ەڭسەرۋگە تىلەكتەستىك ءبىلدىردى.
وسىعان دەيىن يراننىڭ وڭتۇستىگىندەگى پورتتا جويقىن جارىلىس بولعانىن جازدىق.
سونداي-اق يران پورتىنداعى جارىلىستان زارداپ شەككەندەر سانى 500 دەن اسقانى ءمالىم بولدى.
