مەملەكەت باسشىسى وزبەكستان پرەزيدەنتىمەن تەلەفون ارقىلى سويلەستى
استانا. KAZINFORM - وزبەكستان پرەزيدەنتى مەملەكەت باسشىسى قاسىم-جومارت توقايەۆپەن تەلەفون ارقىلى سويلەسىپ، تۋعان كۇنىمەن قۇتتىقتادى، دەپ حابارلايدى Kazinform اگەنتتىگى.
17- مامىر كۇنى بولعان تىلدەسۋدە شاۆكات ميرزيەۆ قازاقستان پرەزيدەنتىنە جاۋاپتى مەملەكەت باسشىلىعى قىزمەتىندە تابىس تىلەپ، سونداي- اق باۋىرلاس قازاق ەلىنىڭ ءوسىپ-وركەندەۋىنە تىلەكتەستىگىن ءبىلدىردى.
ودان بولەك، قوس ەل پرەزيدەنتى وزبەك-قازاق قارىم-قاتىناسىنىڭ بولاشاق دامۋى مەن نىعايۋى، تاتۋ كورشىلىك جانە وداقتاستىق ماسەلەلەرىن تالقىلادى. الداعى ەكىجاقتى كەزدەسۋلەر مەن كوپجاقتى ءىس-شارالار كۇن ءتارتىبى ناقتىلاندى.
سونداي-اق ساۋدا، ونەركاسىپتىك كووپەراتسيا، لوگيستيكا، اۋىل شارۋاشىلىعى، تۋريزم، ءبىلىم بەرۋ، مادەنيەت سالالارىن قامتيتىن جاڭا ەكىجاقتى تاجىريبەلىك ارىپتەستىكتى قالىپتاستىرۋ كۇن تارتىبىندەگى جۇمىستاردى جالعاستىرۋعا زور ءمان بەرىلدى.
وسىعان دەيىن مەملەكەت باسشىسىن رەسەي پرەزيدەنتى ۆلاديميرا پۋتين جانە بەلارۋس باسشىسى الەكساندر لۋكاشەنكو قۇتتىقتادى.
