مەملەكەت باسشىسى وزبەكستان پرەزيدەنتى شاۆكات ميرزيەۆپەن كەزدەستى
استانا. KAZINFORM - قاسىم-جومارت توقايەۆ «ورتالىق ازيا - ەۋروپا وداعى» سامميتىنە ەرەكشە ءمان بەرەتىنىن جەتكىزدى. بۇل تۋرالى اقوردانىڭ باسپا ءسوز قىزمەتى حابارلادى.
سونىمەن قاتار پرەزيدەنت اتالعان جيىن ايماق ەلدەرىنىڭ ەۋروپا وداعىمەن ديالوگىن ىلگەرىلەتۋگە ىقپال ەتەتىنىنە سەنىم ءبىلدىردى.
مەملەكەتتەر باسشىلارى الماتىداعى بەيرەسمي كەزدەسۋدىڭ ناتيجەلى بولعانىنا نازار اۋداردى.
ەكىجاقتى بايلانىستاردىڭ بارلىق باعىتى بويىنشا ءوزارا ءتيىمدى سەرىكتەستىك اياسىن كەڭەيتۋ نيەتىن راستادى.
بۇعان دەيىن قاسىم- جومارت توقايەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو- باسسومەن كەزدەسىپ، ەكونوميكانىڭ ءتۇرلى سەكتورىنداعى ىنتىماقتاستىق ماسەلەلەرىن تالقىلاعان ەدى.
ايتا كەتەيىك، قاسىم-جومارت توقايەۆ «ورتالىق ازيا - ەۋروپا وداعى» سامميتى مەن «جاھاندىق كليمات سىن-قاتەرلەرى كەزەڭىندەگى ورتالىق ازيا» حالىقارالىق كونفەرەنسياسىنا قاتىسۋ ءۇشىن سامارقاندقا باردى.
