15:29, 10 - ماۋسىم 2025 | GMT +5
مەملەكەت باسشىسى پورتۋگاليا پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ مارسەلۋ نۋنۋ دۋارتە رەبەلۋ دە سوۋزانى وسى ەلدىڭ ۇلتتىق مەرەكەسى - پورتۋگاليا كۇنىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنت ەكى ەل اراسىنداعى ءداستۇرلى دوستىق پەن ءوزارا ءتيىمدى ىنتىماقتاستىققا نەگىزدەلگەن بايلانىستىڭ جەتىستىككە تولى بولارىنا سەنىم ءبىلدىردى.
قاسىم-جومارت توقايەۆ مارسەلۋ نۋنۋ دۋارتە رەبەلۋ دە سوۋزانىڭ جاۋاپتى مەملەكەتتىك قىزمەتىنە تولاعاي تابىس، دوستاس پورتۋگال حالقىنا قۇت-بەرەكە تىلەدى.
ايتا كەتەلىك مەملەكەت باسشىسى ە ق ى ۇ- نىڭ ءىس باسىنداعى ءتوراعاسى ەلينا ۆالتونەندى قابىلداعان ەدى.
