مەملەكەت باسشىسى ومان سۇلتانىنا قۇتتىقتاۋ جەدەلحاتىن جولدادى

پرەزيدەنت قاسىم-جومارت توقايەۆ حايسام بەن تاريق ءال سايدتى ومان سۇلتاندىعىنىڭ ءتول مەرەكەسى - ۇلتتىق كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.

- بۇگىندە ومان - ساياسي تۇعىرى بەرىك، ەكونوميكاسى قارىشتاپ دامىعان حالىقارالىق قاۋىمداستىقتىڭ بەدەلدى مۇشەسى. ايماقتىق بىرلىكتى، تۇتاستىق پەن بىتىمگەرلىكتى تۋ ەتكەن ەلىڭىز ءسىزدىڭ باسشىلىعىڭىزبەن الداعى ۋاقىتتا دا يگى ماقسات-مۇراتتارعا جەتە بەرۋىن تىلەيمىن، - دەلىنگەن قۇتتىقتاۋ جەدەلحاتتا.

پرەزيدەنت ومان سۇلتانىنىڭ اسا جاۋاپتى قىزمەتىنە تابىس، ال باۋىرلاس ومان حالقىنا قۇت- بەرەكە تىلەدى.