مەملەكەت باسشىسى پولشا پرەزيدەنتىن سايلاۋداعى جەڭىسىمەن قۇتتىقتادى
استانا. KAZINFORM - مەملەكەت باسشىسى پولشا پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ كارول تادەۋش ناۆروتسكييدى پولشا پرەزيدەنتى بولىپ سايلانۋىمەن قۇتتىقتادى.
- ەلىڭىزدىڭ الەۋمەتتىك-ەكونوميكالىق دامۋىن باياندى ەتىپ، حالقىڭىزدىڭ ىرىس- بەرەكەسىن ەسەلەۋ جولىنداعى يگى باستامالارىڭىز بەن قولعا العان جوسپارلارىڭىزدىڭ تابىستى جۇزەگە اسۋىنا شىنايى تىلەكتەسپىن. قازاقستان مەن پولشا اراسىنداعى ءداستۇرلى دوستىق پەن ءوزارا تۇسىنىستىك رۋحىنداعى قارىم- قاتىناستاردى ودان ءارى نىعايتۋ ماقساتىندا وزىڭىزبەن بىرلەسە كۇش-جىگەر جۇمىلدىرۋعا دايىن ەكەنىمدى راستايمىن، - دەپ جازىلعان جەدەلحاتتا.
قاسىم-جومارت توقايەۆ كارول تادەۋش ناۆروسكيدىڭ اسا جاۋاپتى قىزمەتىنە ساتتىلىك، دوستاس پولشا حالقىنا قۇت-بەرەكە تىلەدى.
