مەملەكەت باسشىسى UEFA پرەزيدەنتى الەكساندەر چەفەريندى قابىلدادى
استانا. KAZINFORM - مەملەكەت باسشىسى UEFA پرەزيدەنتى الەكساندەر چەفەريندى قابىلدادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ ەۋروپالىق فۋتبول قاۋىمداستىقتارى وداعىنىڭ ەلىمىزگە كورسەتىپ وتىرعان قولداۋىنا جوعارى باعا بەردى.
قازاقستاندا:
1 ميلليوننان استام وتانداسىمىز فۋتبولمەن شۇعىلدانادى. بۇل - سپورتپەن اينالىساتىن ازاماتتارىمىزدىڭ 13 پايىزى.
بۇدان اتالعان سپورت ءتۇرىنىڭ بۇقارالىق سيپات العانىن كورۋگە بولادى.
فۋتبول ەكوجۇيەسىن دامىتۋ
مەملەكەت باسشىسى:
وتاندىق فۋتبولدىڭ نارىق تالاپتارىنا ساي ورنىقتى بيزنەس مودەلىن قالىپتاستىرۋ؛
كلۋب مەنەدجمەنتىن دامىتۋ ماڭىزدى ەكەنىنە نازار اۋداردى؛
ۇيىممەن ءبىلىم بەرۋ جانە تاجىريبە الماسۋ باعدارلاماسىن جۇزەگە اسىرۋ باعىتىنداعى ىقپالداستىققا قولداۋ ءبىلدىردى. بۇل ماماندار مەن جاس ويىنشىلاردىڭ كاسىبي دەڭگەيىن ارتتىرۋدى كوزدەيدى.
UEFA تاراپىنان قولداۋ
الەكساندەر چەفەرين قازاقستانمەن اراداعى سەرىكتەستىكتى كەڭەيتۋگە دايىن ەكەنىن جەتكىزدى.
UEFA مەن قازاقستان فۋتبول فەدەراتسياسى اراسىندا بەرىك بايلانىس ورناعانىن اتاپ ءوتتى.
وسىعان دەيىن اتوم ەنەرگياسى جونىندەگى اگەنتتىك ءتوراعاسىنىڭ ورىنباسارلارى تاعايىندالعانىن جازدىق.
