14:29, 10 - قازان 2024 | GMT +6
مەملەكەت باسشىسى تۇرىكمەنستاننىڭ تاۋەلسىزدىك مونۋمەنتىنە گۇل شوعىن قويدى
اشحاباد. KAZINFORM - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ اشحابادقا رەسمي ساپارى اياسىندا تۇرىكمەنستاننىڭ تاۋەلسىزدىك مونۋمەنتىنە گۇل شوعىن قويدى.
پرەزيدەنت تۇرىكمەن ەلىنىڭ باستى ەسكەرتكىشىنە تاعزىم ەتۋ ارقىلى ەكى ەل اراسىنداعى دوستىق پەن ىنتىماقتاستىقتىڭ بەرىك ەكەنىن كورسەتتى.
ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقايەۆتىڭ تۇرىكمەنستانعا رەسمي ساپارمەن بارعانىن حابارلاعان ەدىك. اشحاباد اۋەجايىندا قازاقستان پرەزيدەنتىن سالتاناتتى قارسى الۋ ءراسىمى ءوتتى.
سونىمەن قاتار ساپار اياسىندا پرەزيدەنت تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆپەن كەزدەسىپ، اشحاباد تورىندە ۇلتىمىزدىڭ ۇلى ويشىلى اباي قۇنانباي ۇلىنا ارنالعان ەسكەرتكىشتىڭ اشىلۋ راسىمىنە قاتىستى.
