مەملەكەت باسشىسى سىرتقى ىستەر ءمينيسترى مۇرات نۇرتىلەۋدى قابىلدادى
استانا. KAZINFORM - پرەزيدەنت قاسىم-جومارت توقايەۆ سىرتقى ىستەر ءمينيسترى مۇرات نۇرتىلەۋدى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.
ءوز كەزەگىندە مۇرات نۇرتىلەۋ مينيسترلىكتىڭ اتقارىپ جاتقان قىزمەتى تۋرالى مالىمەت بەردى. سونداي-اق نيۋ-يوركتەگى ب ۇ ۇ باس اسسامبلەياسى 79-سەسسياسىنىڭ جۇمىسى، بولاشاق سامميتىنىڭ قورىتىندىسى جونىندە باياندادى.
سىرتقى ىستەر ءمينيسترى سونىمەن قاتار ب ۇ ۇ باس حاتشىسى انتونيۋ گۋتەرريشپەن، شەت مەملەكەتتەردىڭ سىرتقى ساياسات ۆەدومستۆولارىنىڭ باسشىلارىمەن جانە حالىقارالىق ۇيىمداردىڭ جەتەكشىلەرىمەن كەلىسسوز جۇرگىزگەنىن ايتتى.
كەزدەسۋدە قازاقستان پرەزيدەنتىنىڭ قاتىسۋىمەن الداعى ۋاقىتتا وتەتىن حالىقارالىق ءىس-شارالاردىڭ كەستەسى قاراستىرىلدى.
مەملەكەت باسشىسى سىرتقى ىستەر مينيسترلىگىنە ۆەدومستۆو قىزمەتىنىڭ نەگىزگى باعىتتارى بويىنشا ءبىرقاتار مىندەت جۇكتەدى.
اۆتور
ابىلايحان جۇماشيەۆ
