مەملەكەت باسشىسى «سانا» وقۋشىلار سارايىن ارالاپ كوردى

بەس قاباتتى زاماناۋي عيماراتتا 5-17 جاس ارالىعىنداعى جەتكىنشىكتەرگە ارنالعان 60-تان استام ۇيىرمە مەن سپورت سەكسيالارى جۇمىس ىستەيدى، دەپ حابارلايدى اقوردانىڭ باسپا ءسوز قىزمەتى.

Президент
Фото: Фото: Akorda

ولار تەحنيكالىق شىعارماشىلىق، ساندىك- قولدانبالى ونەر، الەۋمەتتىك عىلىمدار، مۋزىكا جانە حورەوگرافيا، سپورت سەكىلدى بىرنەشە باعىتقا بولىنگەن. ورتالىق ءبىر مەزگىلدە 700 بالانى قابىلداي الادى. اۋماعى 7500 شارشى مەتر عيماراتتا سوڭعى ۇلگىدەگى تەحنولوگيالارمەن جابدىقتالعان وقۋ كابينەتتەرى، ءجۇزۋ باسسەينى، اكت زالى، پودكاست جانە فوتو ستۋديالارى بار.

Президент
Фото: Фото: Akorda

مەملەكەت باسشىسى Lego قۇراستىرۋ، روبوتتى تەحنيكا، 3D- مودەلدەۋ جانە قىش ونەرى، ۇرمالى اسپاپتار، دومبىرا ۇيىرمەسى كابينەتتەرى مەن ءجۇزۋ باسسەينىن ارالاپ كوردى. سونداي- اق پرەزيدەنت ورتالىقتىڭ وقىتۋشىلارىمەن، بالالارمەن جانە اتا- انالارمەن اڭگىمەلەستى.

- ءاربىر قالادا، اۋداندا وسىنداي ورتالىقتار اشىلۋى كەرەك. مەن جاقىندا بيزنەس وكىلدەرىمەن كەزدەسۋ وتكىزدىم. بۇل بالالار ءۇشىن، وسكەلەڭ ۇرپاق ءۇشىن قاجەت. سوندىقتان ءبىز بۇل ماسەلەگە باسا ءمان بەرەمىز، - دەدى قاسىم- جومارت توقايەۆ.

Президент
Фото: Фото: Akorda

«SANA» جاڭا ۇرپاق ورتالىعىن «Damu Development Group» كونسورتسيۋمى بيزنەستىڭ الەۋمەتتىك جاۋاپكەرشىلىگى اياسىندا سالعان. كومپانيا قۇرىلتايشىسى ابزال ساعىمبايەۆ الداعى ۋاقىتتا بىرنەشە دامىتۋ ورتالىقتارىن، الەۋمەتتىك، دەنساۋلىق ساقتاۋ نىساندارىن سالۋ جوسپارلانىپ وتىرعانىن جەتكىزدى.

Пресс-служба Акорды
Фото: Фото: Пресс-служба Акорды

استانا قالاسىنىڭ اكىمى جەڭىس قاسىمبەكتىڭ ايتۋىنشا، 2029 -جىلعا دەيىن ەلوردادا وسىنداي 15 وقۋشىلار سارايى بوي كوتەرەدى. ونىڭ ىشىندە 5 ورتالىقتىڭ قۇرىلىسى جۋىق ارادا باستالادى.

اۆتور

ەربول جانات

Пресс-служба Акорды
Фото: Фото: Пресс-служба Акорды
Пресс-служба Акорды
Фото: Фото: Пресс-служба Акорды
Пресс-служба Акорды
Фото: Фото: Пресс-служба Акорды
президент
Фото: Фото: Ақорда

 

سوڭعى جاڭالىقتار