مەملەكەت باسشىسى رەسپۋبليكا كۇنىنە ارنالعان مەرەكەلىك كونسەرتتى تاماشالادى
استانا. قازاقپارات - پرەزيدەنت قاسىم-جومارت توقايەۆ رەسپۋبليكا كۇنىنە ارنالعان «قاستەرلى وتان - قازاقستان» اتتى مەرەكەلىك كونسەرتكە باردى. بۇل تۋرالى اقوردا حابارلايدى.
«استانا وپەرا» تەاترىندا وتكەن سالتاناتتى كەشتە ەلىمىزگە تانىمال مادەنيەت قايراتكەرلەرى مەن ءتۇرلى شىعارماشىلىق ۇجىمدار ونەر كورسەتتى.
ەسكە سالساق، رەسپۋبليكا كۇنىنە ارنالعان مەرەكەلىك جانە رەسمي ءىس-شارالار الماتىنىڭ بارلىق سەگىز اۋدانىندا وتەدى. قالانىڭ ءار جەرىندە ءتۇرلى كونكۋرستار، كورمەلەر، جارمەڭكەلەر جانە باسقا دا مادەني-تانىمدىق ءىس-شارالار ۇيىمداستىرىلادى.
قالا اكىمدىگىنىڭ باسپا ءسوز قىزمەتى ءمالىم ەتكەندەي، 21-24-قازان ارالىعىندا مەملەكەتتىك قۋىرشاق تەاترىندا «Аlmaty Рuppet Festival» حالىقارالىق قۋىرشاق تەاترلارىنىڭ فەستيۆالى وتەدى. قازاقستان، قىتاي، پولشا، چەحيا، بولگاريا، گرۋزيا، تۇركيا، ءازىربايجان، وزبەكستان جانە رەسەيدەن كەلگەن ارتىستەر كورەرمەندەرگە ۇزدىك قۋىرشاق سپەكتاكلدەرىن ۇسىنادى.
