مەملەكەت باسشىسى قاسىم-جومارت توقايەۆ تاجىكستان پرەزيدەنتى ەمومالي راحمونمەن كەزدەستى
استانا. KAZINFORM - كەزدەسۋ بارىسىندا قاسىم-جومارت توقايەۆ ش ى ۇ سامميتىنە ارنايى قاتىسقانى جانە استانانىڭ باستامالارى مەن باسىمدىقتارىن تۇراقتى تۇردە قولداپ كەلە جاتقانى ءۇشىن ەمومالي راحمونعا ريزاشىلىعىن ءبىلدىردى.
- سامميتكە ءسىزدىڭ قاتىسۋىڭىزدىڭ ءمانى زور. سەبەبى 1996 -جىلى قۇرىلعان شاڭحاي ىنتىماقتاستىق ۇيىمىنىڭ باستاۋىندا بولعان پرەزيدەنتتەردىڭ ءبىرىسىز. مەنىڭ ويىمشا، بۇل ۇيىم - شىن مانىندە، ءتيىمدى، بەدەلدى ءارى دەموكراتيالىق بىرلەستىك. ەرتەڭگى سامميت تابىستى وتەدى دەپ ۇمىتتەنەمىن، - دەدى مەملەكەت باسشىسى.
قازاقستان پرەزيدەنتى ەكىجاقتى ىنتىماقتاستىقتىڭ بارلىق باعىتتا قارقىندى دامىپ كەلە جاتقانىن اتاپ ءوتتى. ونىڭ ايتۋىنشا، قازاقستان مەن تاجىكستان شىن مانىندە وداقتاستىق قاتىناستاردى جولعا قويا ءبىلدى. بۇعان ەمومالي راحموننىڭ سىڭىرگەن ەڭبەگى وراسان.
تاجىكستان پرەزيدەنتى ءوز كەزەگىندە قازاقستاننىڭ ش ى ۇ- داعى ءتوراعالىعى تابىستى وتكەنىن ايتتى. سونداي- اق ەكى ەلدىڭ ساۋدا- ەكونوميكالىق، مادەني گۋمانيتارلىق سالالارداعى جانە قاۋىپسىزدىك باعىتىنداعى ىنتىماقتاستىعى جوسپارلى تۇردە دامىپ كەلە جاتقانىن اتاپ ءوتتى.
سونىمەن قاتار قاسىم-جومارت توقايەۆ پەن ەمومالي راحمون ەكى ەلدىڭ حالىقارالىق ۇيىمدار اياسىنداعى ءوزارا ىقپالداستىعىنىڭ جەكەلەگەن اسپەكتىلەرىن قاراستىردى.
