19:56, 13 - قاراشا 2024 | GMT +6
مەملەكەت باسشىسى مولدوۆا پرەزيدەنتى مايا ساندۋمەن كەزدەستى
استانا. قازاقپارات – СOP29 دۇنيەجۇزىلىك كليمات سامميتى اياسىندا قاسىم-جومارت توقايەۆ مولدوۆا پرەزيدەنتى مايا ساندۋمەن كەزدەسۋ وتكىزدى.
مەملەكەتتەر باسشىلارى ەكى ەل اراسىنداعى ءداستۇرلى دوستىق قارىم-قاتىناستاردى، ەڭ الدىمەن، ساۋدا- ەكونوميكالىق جانە مادەني-گۋمانيتارلىق سالالارداعى ىنتىماقتاستىقتى كەڭەيتۋدىڭ مۇمكىندىكتەرىن تالقىلادى.
كەزدەسۋدە مايا ساندۋ كەلەسى جىلى استانادا مولدوۆا ەلشىلىگىنىڭ اشىلۋى ەلدەرىمىز اراسىنداعى ىقپالداستىقتى دامىتۋعا سەپتىگىن تيگىزەتىنىنە سەنىم ءبىلدىردى. سونداي- اق پرەزيدەنتتەر ەكىجاقتى جوعارى دەڭگەيدەگى ساپارلار ۇيىمداستىرۋعا ۋاعدالاستى.
