مەملەكەت باسشىسى مالتانىڭ سىرتقى ىستەر ءمينيسترى يان بورچتى قابىلدادى

Мемлекет басшысы Мальтаның Сыртқы істер министрі Иан Борчты қабылдады
Фото: Ақорда

 استانا. KAZINFORM - پرەزيدەنت قاسىم-جومارت توقايەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى ءتوراعاسى، مالتانىڭ سىرتقى، ەۋروپالىق ىستەر جانە ساۋدا ءمينيسترى يان بورچپەن كەزدەسۋ بارىسىندا ەكىجاقتى كۇن ءتارتىبىنىڭ وزەكتى ماسەلەلەرى، سونداي- اق ە ق ى ۇ اياسىنداعى ىقپالداستىقتىڭ جاي-كۇيى تالقىلاندى.

مەملەكەت باسشىسىنىڭ ايتۋىنشا، ە ق ى ۇ قاۋىپسىزدىككە تونەتىن قازىرگى سىن- قاتەرلەر جاعدايىندا ءبىزدىڭ ايماقتا جانە ودان تىس جەرلەردە بارلىق ءۇش ولشەم بويىنشا جوسپارلى جۇمىس جۇرگىزىپ جاتىر. سونداي- اق قاسىم-جومارت توقايەۆ 2010 -جىلعى ە ق ى ۇ ءسامميتىنىڭ استانا دەكلاراتسياسىندا بەكىتىلگەن ماقساتتارعا قول جەتكىزۋ ءۇشىن قازاقستان بارلىق تاراپپەن تىعىز ىنتىماقتاستىق جاساۋعا بەيىلدى ەكەنىن راستادى.

- ءبىز وسى ىزگى ماقساتتارعا جەتۋ ءۇشىن بار كۇش-جىگەرىمىزدى جۇمساۋعا، سونداي- اق جان-جاقتى ىنتىماقتاستىققا نەگىزدەلگەن قاۋىپسىزدىكتى قامتاماسىز ەتۋ ماقساتىندا ۇيىمعا ءتوراعالىق ەتىپ وتىرعان مالتامەن بىرلەسكەن جۇمىستاردى جالعاستىرۋعا دايىنبىز، - دەدى پرەزيدەنت.

كەزدەسۋ سوڭىندا مەملەكەت باسشىسى قاسىم-جومارت توقايەۆ مالتا پرەزيدەنتى ميريام سپيتەري دەبونوعا ىزگى تىلەگىن جولداپ، ەكىجاقتى قارىم-قاتىناستى نىعايتۋعا جانە قازاقستان مەن مالتا بايلانىستارىنا تىڭ سەرپىن بەرۋگە ءازىر ەكەنىن جەتكىزدى.

سوڭعى جاڭالىقتار