مەملەكەت باسشىسى مادەنيەت جانە اقپارات ءمينيسترى ايدا بالايەۆانى قابىلدادى
استانا. KAZINFORM - پرەزيدەنتكە مينيسترلىكتىڭ مادەنيەت، اقپارات، ازاماتتىق قوعام، ءدىن، ەتنوسارالىق قاتىناس، جاستار ساياساتى، كرەاتيۆتى يندۋستريا، وتباسى- دەموگرافيالىق ساياسات، مۇراعات جانە كىتاپحانا ءىسى سالالارىندا بيىلعى اتقارعان شارالارى، سونداي- اق ۆەدومستۆونىڭ 2025 -جىلعا ارنالعان پەرسپەكتيۆتى جوسپارلارىن جۇزەگە اسىرۋعا دايىندىعى جونىندە مالىمەت بەرىلدى، دەپ حابارلايدى اقوردانىڭ باسپا ءسوز قىزمەتى.
ايدا بالايەۆانىڭ ايتۋىنشا، بيىل العاش رەت قازاق ونەرى الەمگە ايگىلى ارت- الاڭداردا، اتاپ ايتقاندا، ۆەنەتسيا بيەننالەسىندە، گيمە ازيا ونەرى مۋزەيىندە تانىستىرىلدى. قازاقستاننىڭ باسپا ونىمدەرى فرانكفۋرت كىتاپ جارمەڭكەسىندە كورسەتىلدى.
سەگىز تىلدە Qazaq culture اقپاراتتىق- اعارتۋشىلىق پلاتفورماسىن ىسكە قوسۋ ەلىمىزدىڭ تاريحىن، مادەنيەتىن جانە سالت- ءداستۇرىن دارىپتەۋ تۇرعىسىنان ماڭىزدى جوباعا اينالدى. بۇدان بولەك، استانادا وتكەن V دۇنيەجۇزىلىك كوشپەندىلەر ويىندارىنىڭ اشىلۋ جانە جابىلۋ سالتاناتى ايتۋلى مادەني- بۇقارالىق ءىس- شارا رەتىندە باعالاندى.
قاسىم- جومارت توقايەۆقا مينيسترلىكتىڭ زاڭ جوبالارىن ازىرلەۋ باعىتىندا اتقارعان جۇمىسى تۋرالى باياندالدى. اتاپ ايتقاندا، بيىل ەلىمىزدە جۋرناليستەردىڭ مارتەبەسىن ارتتىرۋدى كوزدەيتىن جاڭا باق تۋرالى زاڭ قابىلداندى. «قازاقفيلم» كينوستۋدياسىن تىكەلەي قارجىلاندىرۋدى قاراستىراتىن زاڭنامالىق وزگەرىستەر پارلامەنت قاراۋىنا ۇسىنىلدى.
مەملەكەت باسشىسىنا ەرىكتىلەر قوزعالىسىن دامىتۋ شارالارى جونىندە ەسەپ بەرىلدى.
ءمينيستردىڭ ايتۋىنشا، 2022 -جىلمەن سالىستىرعاندا، بەلسەندى ەرىكتىلەر سانى 240 مىڭ ادامعا دەيىن ارتتى. جىل سايىن 50 دەن استام ۆولونتەرلىك جوبا جۇزەگە اسىرىلادى، سونداي- اق 7 قازاقستاندىق ەرىكتى ب ۇ ۇ قۇرىلىمدارىنا جىبەرىلدى.
ايدا بالايەۆا كرەاتيۆتى يندۋستريانى قولداۋ شارالارى ازىرلەنگەنىن جەتكىزدى. ولاردىڭ قاتارىندا كرەاتيۆتى يندۋستريا قورىن قۇرۋ، ورتالىق جانە جەرگىلىكتى اتقارۋشى ورگانداردىڭ قۇزىرەتىن كەڭەيتۋ باستامالارى بار. كرەاتيۆتى يندۋستريا سۋبەكتىلەرىنە ارنايى سالىق رەجيمى ەنگىزىلدى. جىل باسىنان بەرى ەلىمىزدە 10 كرەاتيۆتى ورتالىق پەن حاب اشىلدى.
كەزدەسۋ سوڭىندا پرەزيدەنت كەلەسى جىلى وتەتىن قازاقستان حالقى اسسامبلەياسىنىڭ 30 جىلدىعى، ۇلى جەڭىستىڭ 80 جىلدىعى، الەمدىك جانە ءداستۇرلى دىندەر كوشباسشىلارىنىڭ سەزى سەكىلدى مەرەيتويلىق ءارى ماڭىزدى ءىس- شارالارعا دايىندىق بارىسىن ءجىتى باقىلاۋعا الۋدى تاپسىردى.
