مەملەكەت باسشىسى ۇلتتىق بانكتىڭ جىلدىق ەسەبىن قابىلدادى
استانا. KAZINFORM - پرەزيدەنت قاسىم-جومارت توقايەۆتىڭ توراعالىعىمەن اقوردادا وتكەن كەڭەستە ۇلتتىق بانكتىڭ 2024 - جىلى اتقارعان قىزمەتى تۋرالى ەسەپ بەرىلدى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنا ماكروەكونوميكالىق احۋال، اقشا-نەسيە ساياساتىنىڭ نەگىزگى كورسەتكىشتەرى، قارجى جۇيەسىنىڭ جاي-كۇيى، حالىقارالىق رەزەرۆتەر، ب ج ز ق مەن ۇلتتىق قور اكتيۆتەرى تۋرالى باياندالدى.
جيىن بارىسىندا ۇلتتىق بانكتىڭ قىزمەتىنە قاتىستى وزەكتى ماسەلەلەر تالقىلاندى. سونىمەن قاتار رەسپۋبليكالىق بيۋدجەتتىڭ ورىندالۋى، ينفلياتسيانى تومەندەتۋ، اقشا-نەسيە ساياساتى، «بانكتەر جانە بانك قىزمەتى تۋرالى» جاڭا زاڭ جوباسى، ەكونوميكانىڭ ناقتى سەكتورىن كرەديتتەۋ، سونداي- اق ۇلتتىق بانكتىڭ التىن-ۆاليۋتا اكتيۆتەرىنىڭ جاعدايى قاراستىرىلدى.
وسىعان دەيىن پرەزيدەنت ەكىنشى دەڭگەيلى بانكتەرمەن بىرلەسىپ، ەكونوميكانىڭ ناقتى سەكتورىن قارجىلاندىرۋدى تاپسىرعان بولاتىن.
