10:11, 03 - قازان 2024 | GMT +6
مەملەكەت باسشىسى كورەيا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ يۋن سوك ەل مەن كورەي حالقىن ۇلتتىق كۇنىمەن قۇتتىقتادى.
پرەزيدەنت جەدەلحاتىندا كورەيانى ەكونوميكالىق جانە تەحنولوگيالىق دامۋدا زور جەتىستىكتەرگە قول جەتكىزگەن مەملەكەت رەتىندە اتاپ ءوتىپ، ەكى ەل اراسىنداعى قارىم-قاتىناس ستراتەگيالىق سەرىكتەستىك رۋحىندا نىعايىپ كەلە جاتقانىنا توقتالدى. سونىمەن قاتار ءداستۇرلى دوستىق پەن بەرىك بايلانىسقا نەگىزدەلگەن قازاق-كورەي ىقپالداستىعى حالىقتاردىڭ يگىلىگى ءۇشىن ودان ءارى جاندانا بەرەتىنىنە سەنىم ءبىلدىردى.
مەملەكەت باسشىسى كورەيا رەسپۋبليكاسى پرەزيدەنتىنىڭ جاۋاپتى قىزمەتىنە تولاعاي تابىس، دوستاس كورەي حالقىنا قۇت-بەرەكە تىلەدى.
