05:06, 23 - قىركۇيەك 2025 | GMT +5
مەملەكەت باسشىسى ۋكراينا پرەزيدەنتىمەن كەزدەسۋ وتكىزدى
نيۋ-يورك. KAZINFORM - ب ۇ ۇ باس اسسامبلەياسىنىڭ 80- سەسسياسى الاڭىندا قاسىم-جومارت توقايەۆ ۆلاديمير زەلەنسكيمەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەتتەر باسشىلارى ەكىجاقتى ەكونوميكالىق جانە گۋمانيتارلىق ىنتىماقتاستىق ماسەلەلەرىن تالقىلادى.
ۆلاديمير زەلەنسكي ۋكرايناداعى جاعدايعا بايلانىستى كوزقاراسىن جەتكىزدى.
قازاقستان پرەزيدەنتى وسىناۋ اسا كۇردەلى احۋالعا قاتىستى پىكىر ءبىلدىرىپ، قاقتىعىستى توقتاتۋ ماقساتىندا ديپلوماتيالىق جۇمىستاردى جالعاستىرۋ قاجەت ەكەنىنە نازار اۋداردى.
ايتا كەتەيىك، بۇگىن قاسىم-جومارت توقايەۆ بۇۇ باس حاتشىسىمەن كەزدەسۋ وتكىزدى.
سونداي-اق چەرنوگوريا پرەزيدەنتىمەن كەزدەسىپ، ەلىمىز چەرنوگوريانى بالقان تۇبەگىندەگى ماڭىزدى سەرىكتەسى سانايتىنىن اتاپ ءوتتى.
