مەملەكەت باسشىسى كۇشتىك قۇرىلىم باسشىلارىنىڭ جاڭادان تاعايىندالعان ورىنباسارلارىن قابىلدادى
استانا. KAZINFORM - قاسىم-جومارت توقايەۆ ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى ءالي التىنبايەۆتى، ۇلتتىق قاۋىپسىزدىك كوميتەتى ءتوراعاسىنىڭ ورىنباسارى -تەرروريزمگە قارسى قىزمەتتىڭ باستىعى باقىتبەك راحىمبەرديەۆ پەن ىشكى ىستەر ءمينيسترىنىڭ ورىنباسارى - ۇلتتىق ۇلاننىڭ باس قولباسشىسى اڭساعان بالتابەكوۆتى قابىلدادى.
كەزدەسۋدە مەملەكەت باسشىسى جاڭادان تاعايىندالعان لاۋازىمدى تۇلعالارعا ءتيىستى ۆەدومستۆولاردا وزدەرى جەتەكشىلىك ەتەتىن باعىتتار بويىنشا ءبىرقاتار تاپسىرما بەردى.
ايتا كەتەيىك، وسىعان دەيىن مەملەكەت باسشىسى ق ر ىشكى ىستەر ءمينيسترى ەرجان سادەنوۆتى قابىلدادى.
مەملەكەت باسشىسىنا ۇيىمداسقان، كيبەر جانە ەسىرتكى قىلمىستارىنا قارسى ءىس-قيمىل، جول قاۋىپسىزدىگىن قامتاماسىز ەتۋ، سونداي-اق كادرلىق الەۋەتتى ارتتىرۋ جونىندە بۇعان دەيىن بەرگەن تاپسىرمالارىنىڭ ورىندالۋ بارىسى باياندالدى.
اۆتور
ايدار وسپاناليەۆ
