مەملەكەت باسشىسى Kazakhstan Paramount Engineering زاۋىتىنىڭ جۇمىسىمەن تانىستى
پرەزيدەنت ەلوردانىڭ يندۋستريالدى نىساندارىن ارالاۋ بارىسىندا بروندى دوڭگەلەكتى تەحنيكا وندىرۋگە جانە جاڭعىرتۋعا ماماندانعان Kazakhstan Paramount Engineering زاۋىتىنا دا باردى، دەپ حابارلايدى اقوردانىڭ باسپا ءسوز قىزمەتى.
بۇل كومپانيا 2013-جىلى قۇرىلعان. ول - قازاقستان مەن ورتالىق ازيادا دوڭگەلەكتى بروندى تەحنيكا شىعاراتىن بىردەن-ءبىر كاسىپورىن.
قازاقستان اۋماعىندا ءوز ءوندىرىسىن اشۋ جانە باسەكەگە قابىلەتتى زاماناۋي بروندى تەحنيكاعا سەرۆيستىك قىزمەت كورسەتۋ، سونداي-اق ءتۇرلى مىندەتتەردى ورىنداۋعا ارنالعان بروندى دوڭگەلەكتى ماشينا ءوندىرىسىن وركەندەتۋ اتالعان كومپانيانىڭ ارتىقشىلىعى سانالادى.
مەملەكەت باسشىسى وسى سالانى ىلگەرىلەتۋدىڭ كەلەشەگى زور ەكەنىن ەرەكشە اتاپ ءوتىپ، كومپانيانى قورعانىس ونەركاسىبىنە ماماندانعان وتاندىق كاسىپورىنداردى دامىتۋعا جان-جاقتى اتسالىسۋعا شاقىردى.
