مەملەكەت باسشىسى فرانچەسكو دەپاسكۋالەنى قابىلدادى
استانا. KAZINFORM - مەملەكەت باسشىسى سوت تورەلىگىنىڭ تيىمدىلىگى جونىندەگى ەۋروپالىق كوميسسيانىڭ پرەزيدەنتى فرانچەسكو دەپاسكۋالەنى قابىلدادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
«قازاقستان رەسپۋبليكاسى سۋديالارىنىڭ IX سەزى اياسىندا قاسىم-جومارت توقايەۆ سوت تورەلىگىنىڭ تيىمدىلىگى جونىندەگى ەۋروپالىق كوميسسيانىڭ (CEPEJ) پرەزيدەنتى فرانچەسكو دەپاسكۋالەمەن كەزدەسىپ، سوت جۇيەسىنىڭ رەفورماسى جونىندە پىكىر الماستى»، - دەلىنگەن حابارلامادا.
پرەزيدەنت ۇيىم سوت تورەلىگىنىڭ حالىقارالىق ستاندارتتارىن قالىپتاستىرۋدا ماڭىزدى ءرول اتقاراتىنىن اتاپ ءوتىپ، قازاقستان تاراپى قۇقىق قورعاۋ مەحانيزمدەرىنىڭ وزىق تاجىريبەسىن وتاندىق سوت جۇيەسىنە ەنگىزۋگە ايرىقشا ءمان بەرەتىنىنە نازار اۋداردى.
قاسىم-جومارت توقايەۆ ەلىمىزدە قۇقىقتىق جانە دەموكراتيالىق قاعيداتتارعا ارقا سۇيەيتىن مەملەكەت قۇرۋ ۇدەرىسى قارقىندى ءجۇرىپ جاتقانىن ايتتى. بۇل رەتتە سوت جۇيەسىن رەفورمالاۋ جانە زاڭ ۇستەمدىگىن قامتاماسىز ەتۋ وتە ماڭىزدى ءرول اتقارادى.
ءوز كەزەگىندە فرانچەسكو دەپاسكۋالە ادام قۇقىقتارى مەن سوت تورەلىگىنىڭ تيىمدىلىگىن قامتاماسىز ەتۋ ماسەلەسىندە ىنتىماقتاستىققا ءاردايىم دايىن ەكەنىن جەتكىزىپ، قازاقستاندا وسى سالادا جۇرگىزىلىپ جاتقان رەفورمالاردى وڭ باعالادى.
