16:55, 01 - تامىز 2025 | GMT +5
مەملەكەت باسشىسى شۆەيتساريا پرەزيدەنتىن قۇتتىقتادى
استانا. KAZINFORM - قاسىم-جومارت توقايەۆ شۆەيتساريا كونفەدەراتسياسىنىڭ ۇلتتىق كۇنىنە وراي پرەزيدەنت كارين كەللەر- زۋتتەرگە قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى ۇلتتىڭ بىرلىگىن، دەموكراتيا داستۇرلەرىن جانە ەلدىڭ بەيتاراپتىق قاعيداتىنا بەيىلدىگىن ايشىقتايتىن مەرەكەنىڭ ەرەكشە مانىنە نازار اۋدارىپ، شۆەيتساريا حالقىنا باق-بەرەكە تىلەدى.
سونىمەن قاتار پرەزيدەنت قازاقستان مەن شۆەيتساريا قارىم-قاتىناسىنىڭ جوعارى دەڭگەيدە ەكەنىنە توقتالىپ، قوس حالىقتىڭ يگىلىگى جولىندا ءوزارا ىنتىماقتاستىق نىعايا بەرەتىنىنە سەنىم ءبىلدىردى.
ەسكە سالا كەتەيىك، بۇعان دەيىن مەملەكەت باسشىسى كولىك سالاسىنىڭ قىزمەتكەرلەرىن ماراپاتتاعانىن حابارلاعان ەدىك.
