14:56, 11 - ءساۋىر 2025 | GMT +5
مەملەكەت باسشىسى شىمكەنتتەگى ساۋدا-لوگيستيكا ورتالىعىنا باردى
شىمكەنت. KAZINFORM - پرەزيدەنت ستراتەگيالىق ماڭىزى زور باتىس قىتاي-باتىس ەۋروپا كولىك دالىزىنە جاقىن ورنالاسقان Almaar Logistics ساۋدا-لوگيستيكا ورتالىعىنا باردى. بۇل تۋرالى اقوردانىڭ باسپا ءسوز قىزمەتى حابارلادى.
اۋماعى 24 مىڭ شارشى مەتر بولاتىن كوپ فۋنكتسيونالدى كەشەن قۇرىلىسىنا جەكە ينۆەستور 14,8 ميلليارد تەڭگە قارجى قۇيعان.
ورتالىق ءونىم ساقتاۋدىڭ وزىق تەحنولوگياسىمەن جابدىقتالعان. اتاپ ايتقاندا، تەز بۇزىلاتىن ازىق-تۇلىكتى ۇزاق ساقتاماي، بارىنشا جەدەل تاراتۋعا مۇمكىندىك بەرەتىن جۇيە ەنگىزىلگەن.
ايتا كەتەيىك، قاسىم-جومارت توقايەۆ شىمكەنت اۋەجايىنىڭ جاڭا تەرمينالىمەن تانىستى.
پرەزيدەنت قاسىم-جومارت توقايەۆ شىمكەنت قالاسىنا بارعانىن جازعان بولاتىنبىز.
