مەملەكەت باسشىسى شاحتەر اۋىلىنىڭ ەڭبەككەرلەرىمەن جۇزدەستى
قاراعاندى. KAZINFORM -قاسىم-جومارت توقايەۆ نۇرا اۋدانى شاحتەر اۋىلىنىڭ ەڭبەككەرلەرىمەن اڭگىمەلەستى.
«شاحتەرسكوە» جاۋاپكەرشىلىگى شەكتەۋلى سەرىكتەستىگىنىڭ ديرەكتورى گەورگي پروكوپ اۋىل شارۋاشىلىعى كاسىپورىنىندا 245 جەرگىلىكتى تۇرعىن جۇمىس ىستەيتىنىن ايتتى. شارۋاشىلىق نەگىزىنەن ءداندى جانە مايلى داقىلدار، سونداي-اق كارتوپ ەگۋمەن اينالىسادى. ديرەكتوردىڭ ايتۋىنشا، اگروبىرلەستىكتىڭ تەحنيكالىق پاركىندە John Deere, Buhler، CLASS، Lovol, Valtra, ر س م، Acros ماركالى زاماناۋي شىنجىر تاباندى جانە دوڭعالاقتى تراكتورلار، استىق جينايتىن كومبايندار بار. بۇگىندە شارۋالار ەگىن جيناۋ ناۋقانىنا ساقاداي ساي.
پرەزيدەنتكە جەرگىلىكتى تۇرعىندار اۋىلدا جۇمىس ىستەۋگە جانە ءومىر سۇرۋگە قولايلى جاعداي جاسالعانىن جەتكىزدى.
قاسىم- جومارت توقايەۆ مەملەكەت اۋىلدى دامىتۋعا جانە شارۋالاردى قولداۋعا ايرىقشا ءمان بەرەتىنىن اتاپ ءوتتى.
