مەملەكەت باسشىسى ءومىرزاق وزعانبايەۆتى قابىلدادى
استانا. KAZINFORM - پرەزيدەنت رەسپۋبليكالىق «ارداگەرلەر ۇيىمى» قوعامدىق بىرلەستىگى ورتالىق كەڭەسى ءتوراعاسىنىڭ ورىنباسارى ءومىرزاق وزعانبايەۆتى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.
كەزدەسۋ بارىسىندا ەلىمىزدىڭ دامۋىنا جانە وسكەلەڭ ۇرپاق تاربيەسىنە قاتىستى ماسەلەلەر تالقىلاندى.
مەملەكەت باسشىسى اعا بۋىندى اتىراۋدا وتكەن ۇلتتىق قۇرىلتايدا، قازاقستان حالقى اسسامبلەياسىنىڭ ХХХІІІ سەسسياسىندا ايتىلعان مىندەتتەردى جۇزەگە اسىرۋعا، اتاپ ايتقاندا جاستاردى ناشاقورلىق، لۋدومانيا سەكىلدى الەۋمەتتىك كەسەلدەردەن ساقتاندىرۋ، وتباسى ينستيتۋتىن دارىپتەۋ ىسىنە بەلسەندى اتسالىسۋعا شاقىردى.
ءومىرزاق وزعانبايەۆ پرەزيدەنتكە اۋىلدىق جەرلەردى دامىتۋعا قاتىستى پىكىرىن ايتتى. سونداي-اق «ارداگەرلەر ۇيىمىنىڭ» باستاماسى بويىنشا اتقارىلىپ جاتقان جۇمىستار مەن الداعى جوسپارى جونىندە باياندادى.
اۆتور
ابىلايحان جۇماشيەۆ
