مەملەكەت باسشىسى بولگاريا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ رۋمەن راديەۆتى بولگاريا رەسپۋبليكاسىنىڭ ۇلتتىق مەرەكەسى - ازات ەتۋ كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- بۇگىندە بولگاريا ەۋروپا وداعىنىڭ بەلسەندى مۇشەسى رەتىندە ءوزىنىڭ تۇراقتى دامۋ جانە حالىقارالىق قاۋىمداستىقتاعى بەدەلىن ارتتىرۋ جولىندا ەلەۋلى جەتىستىكتەرگە قول جەتكىزىپ كەلەدى. وسى تۇستا ءسىزدىڭ كوشباسشىلىعىڭىزبەن ەلىڭىز بيىك ماقسات-مۇراتتارعا جەتە بەرۋىنە تىلەكتەسپىن. استانا مەن سوفيا اراسىنداعى ءداستۇرلى دوستىق پەن ءوزارا قولداۋعا نەگىزدەلگەن ىنتىماقتاستىقتىڭ اياسى جىلدان-جىلعا كەڭەيىپ كەلە جاتقانىن ريزاشىلىقپەن اتاپ وتەمىن. بىرلەسكەن كۇش-جىگەرىمىزدىڭ ارقاسىندا ەلدەرىمىزدىڭ سان قىرلى بايلانىستارى بولاشاقتا ودان ءارى نىعايا تۇسەتىنىنە سەنىمدىمىن، - دەپ جازىلعان جەدەلحاتتا.
مەملەكەت باسشىسى بولگاريا پرەزيدەنتىنىڭ اسا جاۋاپتى قىزمەتىنە تولاعاي تابىس، ال دوستاس بولگار حالقىنا قۇت-بەرەكە تىلەدى.
اۆتور
ەربولجانات
