مەملەكەت باسشىسى ازەربايجان پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ يلحام الييەۆتى قازاقستان رەسپۋبليكاسى مەن ازەربايجان رەسپۋبليكاسى اراسىنداعى ستراتەگيالىق ارىپتەستىك جانە وداقتاستىق قارىم-قاتىناس تۋرالى شارتقا قول قويىلعانىنا 20 جىل تولۋىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
- ەلدەرىمىز اراسىنداعى ىنتىماقتاستىقتىڭ باستى باعىتتارىن قامتيتىن بۇل تاريحي قۇجات قازاق- ازەربايجان بايلانىسىن دامىتۋداعى ماڭىزدى كەزەڭنىڭ باستالعانىن ايقىنداپ، كوپتەگەن سالا بويىنشا ءوزارا ىقپالداستىقتى نىعايتۋعا بەرىك نەگىز قالادى. بىرلەسكەن كۇش-جىگەر ارقىلى ستراتەگيالىق سەرىكتەستىك پەن وداقتاستىقتى ودان ءارى نىعايتىپ، ەكىجاقتى ىنتىماقتاستىقتىڭ وراسان زور الەۋەتىن حالىقتارىمىزدىڭ يگىلىگى جولىندا پايدالانامىز دەپ سەنەمىن، - دەلىنگەن قۇتتىقتاۋ جەدەلحاتىندا.
قازاقستان مەن ازەربايجاندى ورتاق تاريح پەن رۋحاني قۇندىلىقتار بايلانىستىراتىنىن جازعان بولاتىنبىز.
