مەملەكەت باسشىسى اقتوبە وبلىسىنىڭ الەۋمەتتىك-ەكونوميكالىق دامۋ بارىسىمەن تانىستى
اقتوبە. KAZINFORM - پرەزيدەنتكە اقتوبە وبلىسىنىڭ اكىمى اسحات شاحاروۆ ءوڭىردىڭ الەۋمەتتىك-ەكونوميكالىق دامۋى تۋرالى باياندادى.
وبلىس باسشىسىنىڭ ايتۋىنشا، بيىلعى 11 ايدا ايماق ەكونوميكاسىنىڭ ءوسىمى 6 پايىزدى قۇراعان. ال ونەركاسىپ ءوندىرىسى 4 پايىزعا ارتىپ، وسى جىلدىڭ التى ايىندا شەتەلدەن تارتىلعان تىكەلەي ينۆەستيتسيا كولەمى 175 ميلليون دوللارعا جەتكەن.
پرەزيدەنتكە اقتوبە قالاسىنىڭ اۋەجايىن مۋلتيمودالدى حاب رەتىندە دامىتۋ ءۇشىن مۇندا ارنايى ەكونوميكالىق ايماق قۇرىلاتىنى جونىندە مالىمەت بەرىلدى. بۇل جوباعا 1,2 تريلليون تەڭگەدەن استام ينۆەستيتسيا تارتىپ، 5 مىڭ جۇمىس ورنىن اشۋ جوسپارلانعان.
وبلىس اكىمى مەملەكەت باسشىسىنا وڭىردە جۇزەگە اسىرىلىپ جاتقان جانە 2025-2027-جىلدارعا جوسپارلانعان ينۆەستيتسيالىق جوبالار تۋرالى دا ايتتى.
سونىمەن قاتار قاسىم-جومارت توقايەۆقا اقتوبە قالاسىندا سالىناتىن جاڭا قۇرىلىس نىساندارىنىڭ ماكەتى تانىستىرىلدى. پرەزيدەنت تاپسىرماسىنا ساي، شاھاردا 700 ورىندىق دراما تەاترى جانە 35 مىڭ كورەرمەنگە ارنالعان كوپفۋنكتسيونالدى ستاديون بوي كوتەرمەك.
وسىعان دەيىن پرەزيدەنتتىڭ اقتوبە قالاسىنداعى بولات قۇبىرلارىن شىعاراتىن زاۋىتتىڭ جۇمىسىمەن تانىسقانىن جازدىق.
