مەملەكەت باسشىسى انتونيۋ كوشتانى قازاقستانعا ساپارمەن كەلۋگە شاقىردى
استانا. KAZINFORM - مەملەكەت باسشىسى ەۋروپالىق كەڭەس پرەزيدەنتى انتونيۋ كوشتامەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
ەۋروپا تاراپىنىڭ باستاماسىمەن قاسىم-جومارت توقايەۆ پەن انتونيۋ كوشتا تەلەفون ارقىلى سويلەستى.
اڭگىمەلەسۋ بارىسىندا قازاقستان مەن ەۋروپا وداعىنىڭ اراسىنداعى بايلانىستاردى نىعايتۋدىڭ وزەكتى ماسەلەلەرى مەن پەرسپەكتيۆاسى تالقىلاندى.
- مەملەكەت باسشىسى ەۋروپا وداعىمەن، سونىڭ ىشىندە كەڭەيتىلگەن سەرىكتەستىك جانە ىنتىماقتاستىق تۋرالى كەلىسىم اياسىنداعى قارىم-قاتىناستاردىڭ دامۋ قارقىنىنا وڭ باعا بەردى. سونداي-اق ساۋدا، ينۆەستيتسيا، ەنەرگەتيكا، كولىك-لوگيستيكا جانە سيفرلىق ترانسفورماتسيا سالالارىنداعى بايلانىستاردى تەرەڭدەتۋ مەن ورنىقتى دامۋدىڭ ماڭىزىن اتاپ ءوتتى، - دەلىنگەن حابارلامادا.
تاراپتار ەكىجاقتى جانە وڭىرلىك كۇن ءتارتىبىنىڭ بارلىق باعىتى بويىنشا ديالوگ پەن ءوزارا ىقپالداستىقتى ىلگەرىلەتۋگە الداعى ۋاقىتتا دا دايىن ەكەنىن راستادى.
قاسىم-جومارت توقايەۆ انتونيۋ كوشتانى قازاقستانعا ساپارمەن كەلۋگە شاقىردى.
بۇدان بۇرىن پرەزيدەنت UAE SWAT Challenge سايىسىندا توپ جارعان كۇشتىك قۇرىلىمداردىڭ ءبىر توپ وفيتسەرىن ماراپاتتاۋ راسىمىندە ءسوز سويلەدى.
