09:40, 04 - شىلدە 2025 | GMT +5
مەملەكەت باسشىسى ا ق ش پرەزيدەنتىن قۇتتىقتادى
استانا. KAZINFORM - قاسىم-جومارت توقايەۆ امەريكا قۇراما شتاتتارىنىڭ تاۋەلسىزدىك كۇنىنە وراي پرەزيدەنت دونالد ترامپقا قۇتتىقتاۋ جەدەلحاتىن جولدادى.
مەملەكەت باسشىسى بۇل ايتۋلى كۇندى امەريكا حالقىنىڭ تاباندىلىعى مەن ءورشىل رۋحىنىڭ، بوستاندىق جانە دەموكراتيا قاعيداتتارىنا مىزعىماس بەرىكتىگىنىڭ سيمۆولى رەتىندە اتاپ ءوتتى.
- مەن ەكىجاقتى كەڭەيتىلگەن ستراتەگيالىق سەرىكتەستىكتى ودان ءارى دامىتۋعا ۇمتىلىسىمدى تاعى دا راستايمىن. سونداي-اق حالىقتارىمىزدىڭ يگىلىگى جولىندا كوپجاقتى ىقپالداستىقتى تەرەڭدەتۋگە ءازىر ەكەنىمدى جەتكىزەمىن، - دەپ جازىلعان جەدەلحاتتا.
قاسىم- جومارت توقايەۆ دونالد ترامپتىڭ جاۋاپتى مەملەكەتتىك قىزمەتىنە تابىس تىلەدى.
ايتا كەتەيىك، مەملەكەت باسشىسى نۇرلان ساۋرانبايەۆقا كولىك دالىزدەرىنىڭ وتكىزۋ مۇمكىندىگىن كەڭەيتۋدى تاپسىردى.
