14:38, 06 - شىلدە 2025 | GMT +5
مەملەكەت باسشىسى ا ق ش پرەزيدەنتىنە كوڭىل ايتۋ جەدەلحاتىن جولدادى
استانا. KAZINFORM - قاسىم-جومارت توقايەۆ دونالد ترامپقا تەحاس شتاتىنداعى الاپات سۋ تاسقىنى سالدارىنان كوپتەگەن ادامنىڭ، سونىڭ ىشىندە بالالاردىڭ قازا تاپقانىنا بايلانىستى كوڭىل ايتۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى قايتىس بولعان ازاماتتاردىڭ وتباسى مەن جاقىن تۋىستارىنا كوڭىل ايتتى. سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ايتا كەتەلىك تەحاستا سۋ تاسقىنى سالدارىنان قازا تاپقاندار سانى 43 ادامعا جەتكەنى تۋرالى جازعان ەدىك.
