مۇلىك سالىعى: نەنى ءبىلۋ كەرەك جانە قاشان تولەۋ كەرەك
استانا. KAZINFORM - مەملەكەتتىك كىرىستەر كوميتەتى بيىلعى 1-قازاندا 2024-جىل ءۇشىن جىلجىمايتىن مۇلىك جانە جەر ۋچاسكەلەرىنىڭ مەنشىك يەلەرى - جەكە تۇلعالاردىڭ مۇلىك سالىعىن تولەۋ مەرزىمى اياقتالاتىنىن ەسكە سالادى.
جەكە تۇلعالاردىڭ سالىق سالۋ وبەكتىلەرى بويىنشا سالىقتى ەسەپتەۋدى سالىق ورگاندارى «ازاماتتارعا ارنالعان ۇكىمەت» مەملەكەتتىك كورپوراتسياسى ايقىندايتىن سالىق سالۋ وبەكتىلەرىنىڭ قۇنى جانە مەنشىك قۇقىعىندا يەلەنۋدىڭ ءىس جۇزىندەگى مەرزىمىنە قاراي جۇرگىزەدى.
- سالىق زاڭناماسىنا سايكەس 2024-جىل ءۇشىن تولەنەتىن مۇلىك سالىعىنىڭ سومالارى بويىنشا حابارلامالار اعىمداعى جىلدىڭ شىلدە ايىنان باستاپ مەنشىك يەلەرىنە جىبەرىلەدى. بۇدان باسقا، ەكىنشى دەڭگەيدەگى بانكتەردىڭ ءموبيلدى قوسىمشالارىن پايدالانۋشىلارعا سالىق سوماسى بويىنشا PUSH- حابارلامالار جىبەرۋ باستالعانىن حابارلايدى، دەپ جازدى مەملەكەتتىك كىرىستەر كوميتەتىنەن.
سونىمەن بىرگە، 2025-جىلدىڭ 2-قازانىنان باستاپ سالىق سومالارىن ۋاقىتىندا تولەمەگەن جەكە تۇلعالارعا سالىق بەرەشەگى تۋرالى حابارلامار جىبەرىلەتىنىن ەسكە سالامىز.
سالىقتى e-Salyq Azamat جانە ەكىنشى دەڭگەيدەگى بانكتەردىڭ موبيلدى قوسىمشالارى، «ەلەكتروندىق ۇكىمەت» پورتالى ارقىلى، ەكىنشى دەڭگەيدەگى بانكتەردىڭ بولىمشەرىندەگى نەمەسە تولەم تەرمينالدارىنداعى قولما- قول اقشا قاراجاتىمەن، سونداي-اق بانكوماتتار مەن تولەم تەرمينالدارىنداعى بانك كارتالارى ارقىلى تولەۋگە بولادى.
ايتا كەتەيىك، پارلامەنت جاڭا سالىق كودەكسىن بەكىتتى.
