مەلانيا ترامپتىڭ سلوۆەنياداعى قولا ءمۇسىنىن ۇرلاپ كەتتى
استانا. KAZINFORM - مەلانيا ترامپتىڭ قولا ءمۇسىنى ءوزىنىڭ وتانى سلوۆەنيادا ۇرلاندى. وسىدان بەس جىل بۇرىن ءمۇسىننىڭ اعاشتان جاسالعان نۇسقاسى ورتەلىپ، ورنىنا قولا ءمۇسىن ورناتىلعان، دەپ حابارلايدى Daily Mail.
2020-جىلى ا ق ش- تىڭ ءبىرىنشى حانشايىمىنىڭ تۋعان قالاسى سيەۆنيتسادا وعان ارناپ قولا ءمۇسىن قويىلعان. ول الدىڭعى اعاش ءمۇسىن ورتەلگەننەن كەيىن ورناتىلدى.
ءمۇسىننىڭ ۇرلانعانى تۋرالى 13-مامىردا حابارلانىپ، پوليتسيا تەرگەۋدى باستادى. قۇقىق قورعاۋ ورگاندارى جانە قولا ەسكەرتكىشتىڭ اۆتورى، امەريكالىق كونتسەپتۋالدى سۋرەتشى برەد داۋنيدىڭ ايتۋىنشا، ءمۇسىن توبىعىنان كەسىلىپ، ۇرلانعان.
كۇيەۋى دونالد ترامپ ا ق ش پرەزيدەنتى بولىپ قايتا سايلانعان سوڭ، بۇل ايماقتا پرەزيدەنت ءبىر كۇنى جۇبايىنىڭ وتانىنا كەلەدى دەگەن ءۇمىت قايتا وياندى. بۇعان دەيىن ول ءبىرىنشى حانشايىمنىڭ وتانىنا كەلمەگەن. مەلانيانىڭ ءوزى كوپشىلىك الدىندا سويلەگەن كەزدە سلوۆەنيانى سيرەك ايتادى جانە ترامپتىڭ يناۋگۋراتسياسىنان بەرى ورتالىق ەۋروپانىڭ شاعىن ەلىنە بارماعان.
بۇعان دەيىن Amazon Prime Studios مەلانيا ترامپتىڭ ءومىرى تۋرالى دەرەكتى فيلم شىعاراتىنى حابارلانعان بولاتىن.
