مەكتەپتەردە 1 مىڭنان استام ستوماتولوگيا كابينەتى اشىلادى

استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا مەكتەپ مەديتسيناسىن دامىتۋ شارالارى تۋرالى باياندادى.

- وتكەن جىلى وقۋشىلاردىڭ %90 ى پروفيلاكتيكالىق تەكسەرۋدەن ءوتتى جانە بالالاردى ديناميكالىق باقىلاۋمەن قامتۋ %3 ءوستى. بالالاردان كوبىنە اس قورىتۋ، كورۋ، تىنىس الۋ اعزالارىنىڭ اۋرۋلارى، سونداي- اق ستوماتولوگيالىق پروبلەمالار انىقتالىپ جاتىر، - دەدى اقمارال ءالنازاروۆا ۇكىمەت وتىرىسىندا.

مەكتەپ مەديتسيناسىن جاڭعىرتۋ شەڭبەرىندە كەلەسى ءىس- شارالار ىسكە اسىرىلىپ جاتىر:

- مەيىرگەر جۇكتەمەسىن ازايتۋ (مەكتەپ مەيىرگەرىنىڭ 700 بالاعا 1 ستاۆكاسى 500 بالاعا 1 ستاۆكا دەپ ازايتىلدى)؛

- 1000 نان استام وقۋشىسى بار مەكتەپتەردە ستوماتولوگيالىق اۋرۋلاردىڭ الدىن الۋ كابينەتتەرىن اشۋ؛

- مەديتسينالىق-سانيتاريالىق العاشقى كومەك جانىنداعى مەكتەپ مەديتسيناسى بولىمشەلەرىن ۇيىمداستىرۋ؛

- كاسىپتىك تەكسەرۋلەر جۇرگىزۋ ءتارتىبىن قايتا قاراۋ جانە مامانداردىڭ بىلىكتىلىگىن ارتتىرۋ.

سيفرلاندىرۋ بويىنشا اۆتوماتتاندىرۋعا ارنالعان مىناداي IT شەشىمدەر ەنگىزىلىپ جاتىر:

- ۆاكسيناتسيالاۋدى جانە تەكسەرۋدى جوسپارلاۋ؛

- بالالاردىڭ ءوتىنىشىن ونلاين تىركەۋ؛

- eGov جانە س م س ارقىلى اتا- انالارمەن 1414 پەن بايلانىس؛

- «كۇندەلىك»، «Bilim.Class»، «ءبىلىمال» «eDUS. Mektep» جۇيەلەرىمەن ينتەگراتسيالاۋ.

ۆەدومستۆوارالىق ءوزارا ءىس قيمىل شەڭبەرىندە كەلەسى جوبالار ىسكە اسىرىلىپ جاتىر:

- مەنتالدى جانە رەپرودۋكتيۆتى دەنساۋلىقتى قوسا العاندا، «دەنساۋلىق ساباقتارى»؛

- جاراقاتتاردىڭ الدىن الۋ جونىندەگى جول كارتالارى؛

- «دەنساۋلىققا ىقپال ەتەتىن مەكتەپتەر» جوباسى؛

- 2030 -جىلعا دەيىن مەكتەپ مەديتسيناسىن عىلىمي زەرتتەۋ.

ايتا كەتەيىك، بيىل ەلىمىزدە 217 مىڭ تۇلەك مەكتەپ بىتىرەدى.