مەكسيكا ارقىلى ا ق ش- قا بارعان 119 وزبەكستان ازاماتى ەلىنە قايتارىلدى

UzReport تەلەارناسىنىڭ وزبەكستان سىرتقى ەڭبەك ميگراتسياسى اگەنتتىگىنە سىلتەمە جاساپ مالىمدەۋىنشە، ا ق ش- قا زاڭسىز كەتكەن 119 وزبەكستان ازاماتى ەلىنە قايتارىلدى، دەپ حابارلايدى Kazinform.

اقپاراتقا سايكەس، 2021-جىلدىڭ قازان ايىنان 2023-جىلدىڭ قازان ايىنا دەيىن ا ق ش- تا شەكارانى زاڭسىز كەسىپ وتپەك بولعان 13 مىڭنان استام وزبەكستان ازاماتى ۇستالعان.

وزبەكستانعا ورالعان ءبىر ازامات وزىنە بەرىلگەن ۇلكەن ۋادەلەر ساعىمعا اينالعانىن ايتتى. 2-3 جىلدا تاپقان اقشاسىن 2 ايدا دالاعا تاستاپ كەلگەن. مەكسيكاعا جەتۋ ءۇشىن 30 كۇن قاجەت بولدى. امەريكاعا جىبەرۋ ءۇشىن ودان 5 مىڭ دوللار سۇراعان.

تاعى ءبىر ازاماتتىڭ ايتۋىنشا، ول ا ق ش- تا اسپاز بولعىسى كەلگەن. الايدا ا ق ش- تا ۇستالىپ، 4 اي تۇرمەدە وتىرعان.

تاعى ءبىر ازامات ول جاقتا جۇمىس تابۋ قيىن ەكەنىن، ءتىپتى 3-4 اي جۇمىسسىز جۇرگەن ايەلدەر دە بارىن ايتتى. ول امەريكادا نەگىزىنەن ورتالىق ازيا ەلدەرىنىڭ ازاماتتارىنا ارنالعان رەيدتەر باستالعانىن حابارلادى.