مۇحامەد ءاليدىڭ ءۇيى ساتىلىمعا قويىلدى

استانا. قازاقپارات - بوكس كورولى مۇحامەد اليگە تيەسىلى بولعان ءزاۋلىم ءۇيدىڭ قازىرگى يەلەرى ونى ساتپاق. لوس-اندجەلەستەگى ءۇي ءۇشىن ولار 13,5 ميلليون دوللار سۇراپ وتىر.

New York Post (NYP) مالىمەتىنشە، بۇل ۇيدە بوكسشى كارەراسىنداعى ەڭ كەرەمەت جىلدارىندا - 1979-84 -جىلدار ارالىعىندا تۇرعان. ءاليدىڭ حەنكوك-پاركتە ورنالاسقان ءزاۋلىم سارايىنىڭ اۋماعى 975 شارشى مەتردى قۇرايدى. ال، بۇل شاڭىراقتا تالاي جۇلدىز قوناق بولعان، ونىڭ ىشىندە گولليۆۋد اكتەرلەرى سيلۆەستر ستاللونە مەن كلينت يستۆۋد جانە ا ق ش-تىڭ بۇرىنعى پرەزيدەنتى باراك وباما دا بار.

ۇيگە كىرەبەرىستە تاستان جاسالعان باسپالداق توسەلسە، ىشكى ينتەرەردە ءمارمار مەن اعاش كەرەمەت ۇيلەسىم تاپقان. بولمەلەردە ءىلۋلى تۇرعان شامداردىڭ ءبارى حرۋستالدان جاسالعان. ءۇي 1915 -جىلى سالىنسا دا، يەلەرى بۇرىنعى ديزاينىن ساقتاپ قالۋعا تىرىسقان. اۋلادا 0,6 گەكتار جەردى الىپ جاتقان قوناقتارعا ارنالعان ءۇي، بەس كولىك سىياتىن گاراج بار. ودان قالدى باسسەين دە قاراستىرىلعان.

1bol.kz