مۇعالىمگە قول جۇمساعانداردىڭ جازاسىن دا قاتاڭداتامىز - ۆيتسە-پرەمەر

استانا. KAZINFORM - پرەمەر-ءمينيستردىڭ ورىنباسارى ەرمەك كوشەربايەۆ ۇكىمەت ۇيىندەگى باسپا ءسوز ءماسليحاتىندا مۇعالىمدەر شابۋىل جاساپ، قارسى ارەكەت ەتكەندەردىڭ جازاسىن قاتاڭداتىلاتىنىن ايتتى.

جۋرناليست دەنساۋلىق ساقتاۋ مينيسترىنەن مەديتسينا قىزمەتكەرلەرىنە شابۋىل جاسايتىنداردىڭ جازاسى قانداي باپتارمەن قاتاڭداتىلاتىنىن سۇراعان. ەرمەك كوشەربايەۆ وسى سۇراققا قوسىمشا جاۋاپ بەرە وتىرىپ، مۇعالىمدەردىڭ قۇقىعى تۋرالى ءسوز قوزعادى.

- تەك مەديتسينا قىزمەتكەرلەرىن عانا ەمەس، باسقا سالالاردى دا قورعاۋ جۇيەسى بولۋ كەرەك دەپ ەسەپتەيمىز. سوڭعى كەزدە مۇعالىمدەر دە شابۋىلعا ۇشىراي باستادى... ارينە، زاڭدا مۇعالىمدەردىڭ قۇقىعى زاڭمەن قورعالاتىنى جازىلعان. ءبىراق مۇعالىمدەرگە قارسى ارەكەت پەن ونىڭ جاۋاپكەرشىلىگى ءبىر-بىرىنە ساي بولۋ كەرەك. ونى دا قاراستىرىپ وتىرمىز. ءبىراز ۇسىنىس بار. دەپۋتاتتارمەن بىرگە اقىلداسىپ، ازاماتتارعا جەتكىزەمىز دەپ ويلايمىن، - دەدى ەرمەك كوشەربايەۆ.

ەسكە سالساق، پرەزيدەنت قاسىم-جومارت توقايەۆ مەديتسينا قىزمەتكەرلەرىنە كۇش كورسەتكەنى ءۇشىن جازانى كۇشەيتۋدى تاپسىرعان بولاتىن.