ماگيستراتۋراعا تۇسۋشىلەرگە ارنالعان كۇنتىزبە جاريالاندى
استانا. KAZINFORM - عىلىم جانە جوعارى ءبىلىم مينيسترلىگى ماگيستراتۋراعا تۇسۋشىلەر نازارلارىنا تالاپكەرگە ارنالعان كۇنتىزبەنى جاريالادى.
كەشەندى تەستىلەۋ 21-شىلدە-10-تامىز ارالىعىندا وتەدى؛
ءبىلىم بەرۋ گرانتتارى كونكۋرسىنا قاتىسۋعا وتىنىشتەر 12-18-تامىز ارالىعىندا قابىلدانادى؛
اقىلى نەگىزدە وقۋعا قۇجاتتار قابىلداۋ 15-28-تامىز ارالىعىندا جۇرگىزىلەدى؛
گرانت يەگەرلەرىنىڭ ءتىزىمى 25-تامىزعا دەيىن جاريالانادى.
ججوكبۇ- نا قابىلدانۋى 28-تامىزعا دەيىن اياقتالادى.
- قوسىمشا اقپاراتتى جوو رەسمي پاراقشالارى مەن سايتتارىنان الا الاسىزدار. 2025-2026 وقۋ جىلىنا قابىلدانۋ ءۇشىن ماڭىزدى كۇندەردى وتكىزىپ الماڭىز! - دەلىنگەن حابارلامادا.
ايتا كەتەيىك، عىلىم جانە جوعارى ءبىلىم مينيسترلىگى ءماجىلىس دەپۋتاتتارىنىڭ ماگيستراتۋراعا ءتۇسۋ كەزىندە باكالاۆريات بەيىنىنە قاراي شەكتەۋ ەنگىزۋگە قاتىستى ساۋالىنا جاۋاپ بەردى.
