ماگيستراتۋراعا قۇجات قابىلداۋ 12- جەلتوقساندا باستالادى

ماگيستراتۋراعا ءتۇسۋ ءۇشىن گرانت كونكۋرسىنا قۇجات قابىلداۋ 12-19- جەلتوقسان ارالىعىندا جۇزەگە اسادى. ال گرانت يەگەرلەرىنىڭ ءتىزىمى 21- جەلتوقساننان كەيىن جاريالانادى، دەپ حابارلايدى Kazinform.

ماگيستراتۋراعا تۇسۋشىلەر 3,8 مىڭ مەملەكەتتىك ءبىلىم گرانتىنا ۇمىتكەر بولا الادى.

ونىڭ ىشىندە «ينجەنەرلىك، وڭدەۋ جانە قۇرىلىس سالالارى» دايارلاۋ باعىتىنا - 1758 گرانت، جاراتىلىس تانۋ عىلىمدارى، ماتەماتيكا جانە ستاتيستيكاعا» - 569 گرانت، «پەداگوگيكالىق عىلىمدارعا» - 469 گرانت، «اۋىل شارۋاشىلىعى جانە بيورەسۋرستارعا» - 461 گرانت بولىنگەن.

بولاشاق ماگيسترانتتاردىڭ قۇجاتىن قابىلداۋ 2023-جىلعى 26- جەلتوقسان مەن 2024-جىلعى 10- قاڭتار ارالىعىندا جۇرگىزىلەدى.

ەستەرىڭىزگە سالا كەتسەك، 2-8- جەلتوقسان ارالىعىندا كەشەندى تەستىلەۋ ءوتىپ جاتىر.

جالپى، تەستىلەۋگە 8 مىڭنان استام ءوتىنىش قابىلداندى.