مايقايىڭ كەنتىندە تاعى ءبىر توتەنشە جاعداي جاريالاندى

 پاۆلودار. KAZINFORM - التىن كەنىشى ماڭىندا پايدا بولعان ويىق جاقىن ماڭدا ورنالاسقان جەر ۇيلەرگە قاۋىپ ءتوندىرۋى مۇمكىن. قازىر ماماندار كەنتتە تەكسەرۋ جۇمىستارىن جۇرگىزىپ جاتىر.

بۇل تۋرالى پاۆلودار وبلىسى توتەنشە جاعدايلار دەپارتامەنتىنىڭ باستىعى جاسۇلان جۇماشيەۆ وڭىرلىك كوممۋنيكاتسيالار قىزمەتىندە وتكەن بريفينگتە حابارلادى.

«1-ناۋرىزدان باستاپ مايقايىڭدا تەحنوگەندىك سيپاتتاعى توتەنشە جاعداي جاريالاندى. بۇعان «مايقايىڭ التىن» ا ق- نا قاراستى كەنىشتە 4-قاڭتار كۇنى پايدا بولعان ويىقتىڭ جاقىن ماڭداعى ۇيلەرگە قاۋىپ ءتوندىرۋ مۇمكىندىگى سەبەپ بولىپ وتىر. ماماندار قازىر جەر ۇيلەر ورنالاسقان اۋماقتا جانە وعان جاقىن جەرلەردە پايدا بولۋى مۇمكىن جەراستى كەڭىستىكتەرىن، جارىقتاردى زەرتتەپ جاتىر»، - دەدى ج. جۇماشيەۆ.

ەسكە سالا كەتەيىك، بۇعان دەيىن قۇبىرداعى اقاۋ بويىنشا مايقايىڭدا تەحنوگەندىك سيپاتتاعى توتەنشە جاعداي جاريالانعان ەدى.