مايكل جەكسوننىڭ شۇلىعى اۋكسيوندا ساتىلدى

استانا. قازاقپارات - 1997 -جىلى نيسسادا وتكەن كونسەرت كەزىندە مايكل جەكسون كيگەن، كريستالدارمەن اشەكەيلەنگەن شۇلىق فرانسياداعى اۋكسيوندا سارسەنبى كۇنى 6200 ەۋروعا ساتىلدى، دەپ ءازارتادج جازدى.

اۋكسيون ۇيىمداستىرۋشىلارى بۇل شۇلىقتى «كۋلتتىك بۇيىم» دەپ اتاپ، مۋزىكالىق جادىگەرلەردىڭ ساتىلىمىنا ەنگىزگەن.

ءازارتادج شەتەلدىك ب ا ق-قا سىلتەمە جاساي وتىرىپ حابارلاعانداي، تەحنيك مامانداردىڭ ءبىرى بۇل شۇلىقتى جەكسوننىڭ گريم بولمەسىنىڭ ماڭىندا كونسەرتتەن كەيىن تاستالعان كۇيدە تاۋىپ العان.

پوپ مۋزىكاسىنىڭ كورولى بۇل اق ءتۇستى سپورتتىق، جىلتىر تاستارمەن بەزەندىرىلگەن شۇلىقتاردى 1997 -جىلعى HIStory World Tour الەمدىك تۋرنە كەزىندە كيگەن.

مايكل جەكسوندى بۇل شۇلىقپەن «Billie Jean» ءانىن ورىنداپ جاتقان بەينەبايانداردان كورۋگە بولادى.

ودان بەرى بىرنەشە ونجىلدىق وتسە دە، شۇلىق ءالى ساقتاۋلى. دەگەنمەن، ول اقتىعىن جوعالتىپ، داقتار پايدا بولىپ، تاستاردىڭ ءتۇسى سارعايىپ كەتكەن.

بۇل بۇيىم باستاپقىدا ماۋسىم ايىندا اۋكسيونعا قويىلعانىمەن، سول كەزدە ساتىپ الۋشى تابىلماعان. باستاپقى باعاسى 2500 ەۋرو بولعان، ال بولجامدى قۇنى 3000-4000 ەۋرو شاماسىندا دەپ باعالانعان ەدى.

بۇعان دەيىن حابارلانعانداي، امەريكالىق اكتريسا انجەلينا جولي قاراشا ايىندا 1958 -جىلى شىعارىلعان Ferrari 250 GT كولىگىن اۋكسيونعا قويادى.