ماۋسىم ايىندا اۋا رايى قانداي بولادى - قازگيدرومەت بولجامى

استانا. KAZINFORM - «قازگيدرومەت» ر م ك 2025 -جىلدىڭ ماۋسىم ايىنا ارنالعان قازاقستان بويىنشا كونسۋلتاتيۆتىك اۋا رايى بولجامىن جاريا ەتتى.

ماۋسىم - جازدىڭ العاشقى ايى. بيىل بۇل ايدا اۋا رايى قۇبىلمالى بولادى دەپ كۇتىلىپ وتىر. ەلدىڭ ءار ايماعىندا ىستىق پەن سالقىن كۇندەر الما- كەزەك اۋىسىپ، نايزاعاي، جاڭبىر، بۇرشاق، قاتتى جەل، كەي كۇندەرى شاڭدى داۋىل بولۋى مۇمكىن.

ءبىرىنشى ونكۇندىك

جوعارى تەمپەراتۋرالىق فوننىڭ اسەرىنەن بۇكىل رەسپۋبليكا بويىنشا نايزاعايلى، وتكىنشى جاڭبىر ءجيى جاۋادى.

كەي كۇندەرى سالقىن اتلانتيكالىق اۋا ماسسالارى كەلىپ، اۋا تەمپەراتۋراسى تومەندەيدى:

- باتىس وڭىرلەردە تۇندە 17+…22+ گرادۋستان 7+…12+ گرادۋسقا دەيىن، كۇندىز 27+…32+ گرادۋستان 20+…+25 گرادۋسقا دەيىن تومەندەيدى.

- اتىراۋ، ماڭعىستاۋ، اقتوبە، قوستاناي، ۇلىتاۋ وبلىستارىندا تۇندە 18+…28+ گرادۋستان 12+…23+ گرادۋسقا دەيىن،

كۇندىز 30+…38+ گرادۋستان 20+…30+ گرادۋسقا دەيىن تومەندەيدى. ءبىراق ونكۇندىكتىڭ سوڭىندا قايتا 25+…32+ گرادۋسقا دەيىن جىلىنادى.

سولتۇستىك، ورتالىق جانە شىعىس وڭىرلەر
سولتۇستىك پەن ورتالىقتا ءبىرىنشى ونكۇندىكتىڭ ورتاسىندا ىستىق باسەڭدەيدى:

- تۇندە 10+…15+ گرادۋس، كەي جەرلەردە +7 گرادۋسقا دەيىن؛

- كۇندىز 25+…+30 گرادۋستان 18+…25+ گرادۋسقا دەيىن تومەندەيدى.

- شىعىستا تۇندە 10+…15+ گرادۋسقا، وڭتۇستىگىندە 20+ گرادۋس، كۇندىز 22+…30+ گرادۋس، كەي جەرلەردە 35+ گرادۋسقا دەيىن جىلى بولادى.

- ەكىنشى ونكۇندىكتىڭ باسىندا ازداعان سالقىنداۋ بايقالادى.

وڭتۇستىك پەن وڭتۇستىك- شىعىس
وڭتۇستىكتە جانە جامبىل وبلىسىندا ءتىپتى تۇندە دە ىستىق كۇتىلەدى:

- تۇنگى تەمپەراتۋرا 20+…28+ گرادۋس؛

- كۇندىز 35+…43+ گرادۋس دەيىن كوتەرىلەدى؛

- ونكۇندىكتىڭ سوڭىنا قاراي ءسال سالقىندايدى - 28+…33+ گرادۋس.

الماتى مەن جەتىسۋ وبلىستارىندا اۋا بىرتىندەپ جىلىنادى:

- تۇندە 10+…20+ گرادۋس؛

- كۇندىز 20+…35+ گرادۋس؛

- تاۋلى ايماقتاردا تۇندە 2+…12+ گرادۋس، كۇندىز 10+…30+ گرادۋس.

ەكىنشى جانە ءۇشىنشى ونكۇندىك
باتىس، وڭتۇستىك جانە وڭتۇستىك- شىعىستا ەڭ ىستىق كۇندەرى تەمپەراتۋرا 33+…40+ گرادۋس، كەي جەرلەردە 43+ گرادۋسقا دەيىن جەتەدى.

سالقىن كۇندەرى 22+…27+ گرادۋس شاماسىندا.

سولتۇستىك، ورتالىق جانە شىعىستا اۋا تەمپەراتۋراسى تۇندە 15+…23+ گرادۋستان 2+…10+ گرادۋسقا دەيىن، ال كۇندىز 25+…38+ گرادۋستان 15+…27+ گرادۋسقا دەيىن اۋىتقيدى.

بۇعان دەيىن قازگيدرومەت اۋا رايىنا بايلانىستى ءبىرقاتار وڭىردە ەسكەرتۋ جاريالادى.