ماسكەۋدەن سولتۇستىك كورەياعا العاشقى تىكەلەي رەيس پحەنيانعا قوندى
استانا. KAZINFORM - ۇشاقتى پحەنيان اۋەجايىندا ۇلكەن سالتاناتپەن قارسى الدى، دەپ حابارلايدى ت ا س س اقپارات اگەنتتىگى.
رەسەي تاراپىنان ماسكەۋ مەن پحەنيان اراسىنداعى ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسيانى باسقاراتىن تابيعي رەسۋرستار مينيسترلىگىنىڭ باسشىسى الەكساندر كوزلوۆ باستاعان رەسەيلىك دەلەگاتسيا مەن ەكيپاج مۇشەلەرىنە گۇل شوقتارى تابىس ەتىلدى.
ۇشۋ Boeing 777-200ER ۇشاعىندا ورىندالدى، ول 440 جولاۋشىنى سىيدىرا الادى. ۇشاق شەرەمەتيەۆودان 27-شىلدەدە ماسكەۋ ۋاقىتىمەن 19:30-دا ۇشتى، جول ءجۇرۋ ۋاقىتى شامامەن سەگىز ساعات.
ۇشۋ كەزىندە بارلىق حابارلاندىرۋ ورىس جانە كارىس تىلدەرىندە جاسالدى.
كەرى رەيس 29-شىلدەگە جەرگىلىكتى ۋاقىت بويىنشا ساعات 09:00-دە (ماسكەۋ ۋاقىتىمەن 3:00) جوسپارلانعان.
شىلدە ايىنىڭ باسىندا روساۆياتسيا Nordwind اۋە كومپانياسىنا ك ح د ر-عا ۇشۋعا رۇقسات بەردى. ماسكەۋدەن پحەنيانعا بيلەت ساتۋ 18-شىلدەدە باستالدى، باعاسى 44,7 مىڭ رۋبلدەن باستالادى.
كوزلوۆتىڭ ايتۋىنشا، رەيستەر ودان ءارى ايىنا ءبىر رەت ورىندالادى. تابيعي رەسۋرستار مينيسترلىگىنىڭ باسشىسى بۇل رەيستىڭ اشىلۋى تاريحي وقيعا ەكەنىن اتاپ ءوتىپ، ەكى استانانى بايلانىستىرۋدىڭ ماڭىزدىلىعىنا توقتالدى.
اۆياتسيالىق ىنتىماقتاستىقتى كەڭەيتۋ ماۋسىم ايىندا رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا ماسكەۋ مەن پحەنيان اۋە قاتىناسىن كەڭەيتۋ تۋرالى كەلىسسوز جۇرگىزىپ جاتقانىن مالىمدەگەن.
سولتۇستىك كورەيانىڭ Air Koryo اۋە كومپانياسى ۆلاديۆوستوك پەن پحەنيان اراسىندا تىكەلەي رەيستەردى اپتاسىنا ءۇش رەت - دۇيسەنبى، سارسەنبى جانە جۇما كۇندەرى ورىندايدى.
مەملەكەتتەر اراسىنداعى تىكەلەي اۋە قاتىناسى 2023 -جىلدىڭ تامىزىندا قايتا جانداندى، ول پاندەمياعا بايلانىستى ۇزىلگەن بولاتىن.
پحەنيانعا بيلەتتەردى بولەك ساتىپ الۋ مۇمكىن بولمادى، سەبەبى ولار تۋريستەرگە تەك ەكسكۋرسيالىق تۋردىڭ ءبىر بولىگى رەتىندە ساتىلدى.
رف مەن كحدر اراسىنداعى جولاۋشىلار تەمىرجول قاتىناسى 2020 -جىلدىڭ اقپان ايىندا COVID-19 ىندەتىنە بايلانىستى توقتاتىلدى. 2024 -جىلدىڭ جەلتوقسان ايىنىڭ ورتاسىندا رەسەي تەمىر جولدارى ك ح د ر تەمىر جول مينيسترلىگى قۇرعان تۋمانگان (ك ح د ر) - حاسان (ر ف) باعىتى بويىنشا № 645/646 حالىقارالىق پويىزدىڭ قوزعالىسىن قالپىنا كەلتىرەتىنىن حابارلادى. ماسكەۋ مەن پحەنيان اراسىنداعى جولاۋشىلار تەمىرجول قاتىناسى 17-ماۋسىمدا قايتا جانداندى.
ايتا كەتەلىك سولتۇستىك كورەيا Bitcoin قورى بويىنشا الەمدە ءۇشىنشى ورىنعا كوتەرىلگەن ەدى.
اۆتور
زارينا تۋعانبايەۆا
