ماسكەۋدە 145 جىلدان بەرى العاش رەت ەڭ قالىڭ قار ءتۇستى

رەسەي استاناسىندا 3- جەلتوقسان كۇنى 145 جىلدان بەرى العاش رەت ەڭ قالىڭ قار ءتۇستى. بۇل تۋرالى Kazinform تاسس جاڭالىقتارىنا سىلتەمە جاساپ حابارلايدى.

ماسكەۋگە كەلەتىن جانە ودان ۇشاتىن رەيستەر توقتاتىلدى جانە 73 رەيس كەيىنگە قالدىرىلدى. بۇل ەل استاناسى اۋەجايلارىنىڭ ونلاين- تابلوسىندا كورسەتىلگەن.

ماسكەۋ ۋاقىتىمەن 02:18-دەگى جاعداي بويىنشا شەرەمەتيەۆو اۋەجايىندا 34 رەيس، دومودەدوۆودا 17 رەيس كەيىنگە قالدىرىلىپ، تاعى 3 رەيس توقتاتىلدى. ۆنۋكوۆودا - 13 رەيس، جۋكوۆسكيدە - 6 رەيس كەيىنگە قالدىرىلدى.

اۋەجايلار ءۇشىن ەكى ساعاتتىق كەشىگۋ قالىپتى جاعداي. سوندىقتان، روساۆياتسيا چارتەرلىك جانە تۇراقتى رەيستەردىڭ كەشىگۋى تۋرالى ستاتيستيكالىق دەرەكتەردى ەسەپتەۋ كەزىندە 2 ساعاتقا دەيىنگى كەشىگۋلەردى ەسەپكە المايدى. سونىمەن قاتار، ماسكەۋدىڭ بارلىق اۋەجايلارى بارلىق اۋا رايىنا بەيىم، سوندىقتان ادەتتە كەستەدە وزگەرىستەر بولا بەرمەيدى.

رەسەيدىڭ گيدرومەتەورولوگيالىق ورتالىعىنىڭ عىلىمي ديرەكتورى رومان ۆيلفاندتىڭ حابارلاۋىنشا، جەكسەنبى كۇنى ماسكەۋدە 145 جىلدان سوڭ 3- جەلتوقسان ءۇشىن قاردىڭ ماكسيمالدى مولشەرى جاۋعان.

اۆتور

بالنۇر قوجاگەلدى