مارقۇم سالتانات نۇكەنوۆانى قورعاعان ادۆوكاتتىڭ ۇستىنەن قىلمىستىق ءىس قوزعالدى — پوليتسيا
استانا. KAZINFORM — بۇگىن الەۋمەتتىك جەلىدە مارقۇم سالتانات نۇكەنوۆانىڭ مۇددەسىن قورعاعان ادۆوكات جاننا ۋرازباحوۆانىڭ ۇستىنەن قىلمىستىق ءىس قوزعالعانى جايلى اقپارات تارادى. ءبىز ءىستىڭ ءمان-جايىن الماتى قالاسىنىڭ پوليتسيا دەپارتامەنتىنەن سۇراپ-بىلدىك.
— بوپسالاۋ جانە الاياقتىق بويىنشا قىلمىستىق ءىستىڭ ادۆوكاتتارى ۇستىنەن سوتقا دەيىنگى تەرگەۋ دەرەكتەرىن جاريا ەتكەنى ءۇشىن، ياعني ۋ. جانە ب. ەسىمدى ازاماتتارعا قاتىستى قىلمىستىق ءىس قوزعالدى. ولار قىلمىستىق ءىس جۇرگىزۋ زاڭناماسىندا بەلگىلەنگەن تىيىمعا قاراماستان، ب ا ق جانە الەۋمەتتىك جەلى ارقىلى تەرگەۋ بارىسى تۋرالى اقپارات تاراتقان، — دەلىنگەن رەسمي حابارلامادا.
ودان بولەك، اقپاراتتا ايتىلعانداي، كۇدىكتىلەر تەرگەۋ ارەكەتتەرىن قاساقانا بۇزعان جانە پروتسەسسۋالدىق پروتسەسكە مىندەتتى تۇردە قاتىسۋ كەرەكتىگىن ەلەمەگەن.
ايتا كەتەيىك، جاننا ۋرازباحوۆا ەلدى ەلەڭ ەتكىزگەن ەكس-شەنەۋنىك قۋاندىق بيشىمبايەۆقا قاتىستى قىلمىستىق ىستە ءجابىر كورىپ، مەرت بولعان سالتانات نۇكەنوۆانىڭ مۇددەسىن قورعاعان ەدى.
ەسكە سالا كەتەيىك، قۋاندىق بيشىمبايەۆ 24 جىلعا سوتتالدى.
كەيىن ەكس-شەنەۋنىك پەن ونىڭ تۋىس باۋىرى سوت ۇكىمىنە قارسى شاعىم ءتۇسىردى، ءبىراق ءوتىنىش وڭ شەشىمىن تاپپادى، ياعني سوت ۇكىمى وزگەرىسسىز قالدى.
ەسكە سالا كەتسەك، 24 جىلعا سوتتالعان قۋاندىق بيشىمبايەۆتىڭ جازاسىن قاي جەردە وتەپ جاتقانى تۋرالى ءبىراز قاۋەسەت تارادى.
