مارات بەكەتايەۆ ءىسى: ەكس-ءمينيستردى قاماۋدا ۇستاۋ مەرزىمى تاعى ۇزارتىلدى
استانا. KAZINFORM - بۇرىنعى ادىلەت ءمينيسترى مارات بەكەتايەۆ بيىل 10-ناۋرىزعا دەيىن قاماۋدا وتىرادى. بۇل اقپاراتتى باس پروكۋراتۋرا راستادى.
- قاماۋدا ۇستاۋ سانكسياسى 2025-جىلعى 10-ناۋرىزعا دەيىن ۇزارتىلدى، - دەلىنگەن حابارلامادا.
ايتا كەتسەك، بۇرىنعى مينيستر مارات بەكەتايەۆ 1,5 جىلداي قاماۋدا وتىر.
ەسكە سالا كەتەيىك، بۇرىنعى ادىلەت ءمينيسترى مارات بەكەتايەۆ 2023-جىلى قازاندا لاۋازىمدىق وكىلەتتىگىن اسىرا پايدالاندى دەگەن كۇدىكپەن ۇستالدى.
انتيكوردىڭ مالىمەتىنشە، ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەسىن قولداعان. ەكس-شەنەۋنىكتى قاماۋدا ۇستاۋ مەرزىمى بىرنەشە رەت ۇزارتىلدى. سوڭعى رەت بيىل 21-مامىردا 2024-جىلعى 21-ماۋسىمعا دەيىن قاماۋ سانكسيالاندى.
بىلتىر شىلدەدە سىبايلاس جەمقورلىققا قارسى ءىس-قيمىل اگەنتتىگى بۇرىنعى ادىلەت ءمينيسترى مارات بەكەتايەۆقا قاتىستى تەرگەۋ امالدارىنىڭ اياقتالعانىن حابارلادى.
سونداي-اق وتكەن جىلى قازاندا ەكس-مينيسترگە قاتىستى تەرگەۋ اياقتالىپ، انتيكور ماتەريالدارمەن تانىسىپ جاتقانى تۋرالى حابارلاعان ەدىك.
