ماقتاارالدا ءبىلىم ءبولىمى 2,4 ميلليارد تەڭگەدەن استام قارجىنى جىمقىرعان
استانا. KAZINFORM - جىمقىرۋ ءبىلىم سالاسىندا جۇمىس ىستەمەيتىن تۇلعالاردىڭ ەسەپ شوتتارىنا زاڭسىز جالاقى اۋدارۋ ارقىلى جاسالعان.
تۇركىستان وبلىسىنىڭ پروكۋراتۋراسى ءمالىم ەتكەندەي، ءبىلىم سالاسىنداعى بيۋدجەت قارجىسىن جىمقىرۋمەن بايلانىستى قىلمىستىق ءىس اياسىندا مەملەكەتكە 1 ميلليارد تەڭگەگە جۋىق زالال قايتارىلدى.
تۇركىستان وبلىسىنىڭ پروكۋراتۋراسى ماقتاارال اۋدانى ءبىلىم ءبولىمىنىڭ 43 لاۋازىمدى تۇلعالارى مەن جاۋاپتى قىزمەتكەرلەرىنە قاتىستى بيۋدجەت قارجىسىن (2,4 ميلليارد تەڭگەدەن استام) جىمقىرۋ فاكتىسى تۋرالى ءىستى سوتقا جولدادى.
- جىمقىرۋ ءبىلىم سالاسىندا جۇمىس ىستەمەيتىن تۇلعالاردىڭ ەسەپ شوتتارىنا زاڭسىز جالاقى اۋدارۋ ارقىلى جاسالعان. بۇگىنگى كۇنى كۇدىكتىلەر 333,5 ميلليون تەڭگە كولەمىندە مەملەكەتكە كەلتىرىلگەن زالالدى قايتاردى، سونداي- اق ولاردىڭ قىلمىستىق جولمەن تابىلعان 649,7 ميلليون تەڭگەنى قۇرايتىن مۇلىكتەرىنە تىيىم سالىندى، - دەلىنگەن حابارلامادا.
بۇعان دەيىن حابارلاعانىمىزداي، مەملەكەتتىك مۇلىكتى تالان- تاراجعا سالعان شىمكەنتتىك شەنەۋنىك 8 جىلعا سوتتالدى.
